ନୂଆଦିଲ୍ଲୀ : ହାପିଜ ସଇଦ ଲାହୋରରେ ଥିବା ନିଶ୍ଚିତ ହୋଇଛି । ସାଟେଲାଇଟରୁ ଆସିଥିବା ଫଟୋ ଏବଂ ଭିଡିଓରୁ ଜଣାପଡ଼ୁଛି ଯେ, ହାପିଜର ଘର ଲାହୋରରେ ଅଛି । ସେ ସାଧାରଣ ଲୋକଙ୍କ ସହ ଆରାମରେ ଥିବା କଥା ସ୍ପଷ୍ଟ ହୋଇଛି । ପାକିସ୍ତାନର ସବୁଠାରୁ ବଡ଼ ଆତଙ୍କବାଦୀ ଲସ୍କର-ଏ-ତୋଏବାର ପ୍ରତିଷ୍ଠାତା ହାପିଜ ସଇଦର ଜଣାପଡ଼ିଲା ଗୁପ୍ତ ଆଡ୍ଡା । ତା’ ଘର କଡ଼ା ସୁରକ୍ଷାରେ ଥିବା ଜଣାପଡ଼ିଛି । ତାକୁ ସୁରକ୍ଷା ଦେଉଛି ପାକିସ୍ତାନ ସରକାର । ତାକୁ ତିନି ସ୍ତରୀୟ ସୁରକ୍ଷା ପ୍ରଦାନ କରାଯାଇଛି । ୨୪ ଘଣ୍ଟା ସୁରକ୍ଷା କର୍ମୀ ସଜାଗ ଅଛନ୍ତି । ଏବେ ହାପିଜ ସଇଦର ଗୁପ୍ତ ଆଡ୍ଡାର ଫଟୋ ଏବଂ ଭିଡିଓ ସାମ୍ନାକୁ ଆସିଛି । ସେଠାରେ ତା’ର ବ୍ୟକ୍ତିଗତ ପାର୍କ ରହିଛି । ଏହି ପାର୍କ ସାମ୍ନାରେ ତା’ ଘର ଥିବା ସ୍ପଷ୍ଟ ଜଣାପଡ଼ୁଛି । ସେଠାରେ ଏକ ମଦ୍ରାସା ମଧ୍ୟ ରହିଛି । ଏହା ତଳେ ବଙ୍କର ମଧ୍ୟ ରହିଛି ।
