ଜଗତସିଂହପୁର : ଷଣ୍ଢକୁଦ ବସ୍ତିରେ ଘଟିଯାଇଛି ଏକ ଲଜ୍ଜା ଜନକ ଘଟଣା, ତିନିବର୍ଷର ଶିଶୁକନ୍ୟାକୁ ଦୁଷ୍କର୍ମ । ଗୁରୁତର ଅବସ୍ଥାରେ ପ୍ରଥମେ ଅଠରବାଙ୍କୀ ମେଡିକାଲ ଓ ପରେ ଜଗତସିଂହପୁର ମେଡିକାଲକୁ ରେଫର କରାଯାଇଛି । ପରିବାର ପକ୍ଷରୁ ଜଟାଧାର ମୁହାଣ ଥାନାରେ ଏତଲା। ପୋଲିସ ତରଫରୁ ସନ୍ଦେହରେ ଜଣକୁ ଅଟକ ରଖି ପଚରାଉଚରା ଜାରି ରଖିଛି । ଘଟଣା ଘଟିଛି ପାରାଦୀପ ଜଟାଧାର ସାମୁଦ୍ରିକ ଥାନା ଅନ୍ତର୍ଗତ ଷଣ୍ଢକୁଦ ବସ୍ତି ୧୭ ନମ୍ବର ୱାର୍ଡରେ । ବସ୍ତିରେ ରହିଥିବା ମହେଶ ଓ ତାଙ୍କ ପରିବାର ଖାଇ ପି ଶୋଇପଡ଼ିବା ପରେ ରାତିରେ ତିନିବର୍ଷର ଝିଅଟି ନିଖୋଜ ହୋଇ ଯାଇଥିଲା । ରାତି ତିନିଟା ପାଖାପାଖି ଝିଅ ଘରେ ନ ଥିବା ଦେଖି ବିଭିନ୍ନ ସ୍ଥାନରେ ଖୋଜାଖୋଜି କରିବା ପରେ ନିରାଶ ହୋଇ ଥାନାକୁ ଆସୁଥିବା ସମୟରେ ଝିଅକୁ ଜଣେ ବୟସ୍କ ବ୍ୟକ୍ତି ରଖିଥିବା ଖବର ପାଇ ଝିଅକୁ ଆଣିବା ସମୟରେ ଝିଅର ରକ୍ତସ୍ରାବ ହେଉଥିବା ଦେଖି ପ୍ରଥମେ ଜଟାଧାର ସାମୁଦ୍ରିକ ଥାନାରେ ଅଭିଯୋଗ ଦେବା ସହିତ ଅଠରବାଙ୍କୀ ମେଡିକାଲରେ ଆସୁ ଚିକିତ୍ସା କରିବା ପରେ ଝିଅକୁ ଜଗତସିଂହପୁର ମେଡିକାଲ ସ୍ଥାନାନ୍ତର କରାଯାଇଥିବା ସୂଚନା ମିଳିଛି । ତେବେ ନାବାଳିକାକୁ ପାଇ ଘରେ ରଖିଥିବା ବୃଦ୍ଧ ବ୍ୟକ୍ତିଙ୍କୁ ଥାନାରେ ପଚରା ଉଚରା ଜାରି ରହିଥିବା ବେଳେ ଅଭିଯୁକ୍ତ କିଏ ତାହା ଅସ୍ପଷ୍ଟ ରହିଥିବା ପୋଲିସ ସୂତ୍ରରୁ ସୂଚନା ମିଳିଛି ।
