ମୁମ୍ବାଇ : ଲଗାଣ ବର୍ଷାରେ ଉବୁଟୁବୁ ମାୟାନଗରୀ ମୁମ୍ବାଇ । ଦ୍ୱିତୀୟ ଦିନରେ ବି ହାଇ ଆଲର୍ଟରେ ମୁମ୍ବାଇ ସହର । ବିଭିନ୍ନ ସ୍ଥାନରେ ଜଳବନ୍ଦୀ ସ୍ଥିତି, ଗମନାଗମନ ଠପ । ତଳିଆ ଅଞ୍ଚଳରେ ଲୋକେ ନାହିଁ ନ ଥିବା ହଇରାଣ । ସମସ୍ତ ସରକାରୀ ବେସରକାରୀ ସ୍କୁଲ, କଲେଜ ଛୁଟି । ବର୍ଷା ଯୋଗୁ ୭ ଜଣଙ୍କର ମୃତ୍ୟୁ ହୋଇଥିବା ସୂଚନା ରହିଛି । ଜଳବନ୍ଦୀ ହୋଇ ୨୦୦ରୁ ଅଧିକ ଲୋକ ଫସିଥିବା ସୂଚନା । ମନ୍ତ୍ରଣାଳୟରେ ଅବସ୍ଥିତ ଜରୁରୀକାଳୀନ କେନ୍ଦ୍ରରୁ ପରିସ୍ଥିତି ସମୀକ୍ଷା କରିବା ସମୟରେ ଫଡନଭିସ୍ କହିଛନ୍ତି ଯେ ରତ୍ନଗିରି, ରାୟଗଡ଼ ଏବଂ ହିଙ୍ଗୋଲି ଜିଲ୍ଲାରେ ମଧ୍ୟ ପ୍ରବଳ ବର୍ଷା ହୋଇଛି । ବିଦର୍ଭ ଅଞ୍ଚଳରେ ଦୁଇ ଲକ୍ଷ ହେକ୍ଟରରୁ ଅଧିକ ଫସଲ ନଷ୍ଟ ହୋଇଛି ଏବଂ ୮୦୦ ଗ୍ରାମ ପ୍ରଭାବିତ ହୋଇଛି । ମୁମ୍ବାଇରେ ୮ ଘଣ୍ଟା ମଧ୍ୟରେ ୧୭୦ ମିମି ବର୍ଷା ରେକର୍ଡ କରାଯାଇଛି, ଯାହା ୧୪ ସ୍ଥାନରେ ଜଳବନ୍ଦୀ ସୃଷ୍ଟି କରିଛି ।
ଏଥି ସହ କୁହାଯାଇଛି ଯେ ଆଗାମୀ ୧୦-୧୨ ଘଣ୍ଟା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଏବଂ ସ୍ଥାନୀୟ ସଂସ୍ଥାଗୁଡ଼ିକୁ ଛୁଟି ଘୋଷଣା କରିବାର ଅଧିକାର ଦିଆଯାଇଛି । ମରଠୱାଡା ଅଞ୍ଚଳରେ ଗତ ପାଞ୍ଚ ଦିନ ମଧ୍ୟରେ ଛଅ ଜଣଙ୍କର ମୃତ୍ୟୁ ହୋଇଛି ଏବଂ ୨୦୫ ପଶୁପାଳନ ମୃତ୍ୟୁବରଣ କରିଥିବା ମଧ୍ୟ ରିପୋର୍ଟ କରାଯାଇଛି ।
