ରୋହିତ ଓ ଜାଡେଜାଙ୍କ ଶତକ

ନୂଆଦିଲ୍ଲୀ : ରାଜକୋଟରେ ଖେଳାଯାଉଥିବା ତୃତୀୟ ଟେଷ୍ଟର ପ୍ରଥମ ଦିନରେ ଭାରତର ପ୍ରଭାବୀ ପ୍ରଦର୍ଶନ । ଅଧିନାୟକ ରୋହିତ ଶର୍ମା ଓ ରବୀନ୍ଦ୍ର ଜାଡେଜାଙ୍କ ଶତକ ଏବଂ ସର୍ଫରାଜ ଖାନଙ୍କ ଦ୍ରୁତ ଅର୍ଦ୍ଧଶତକ ବଳରେ ଭାରତ ପ୍ରଥମ ଦିନ ଖେଳ ଶେଷ ସୁଦ୍ଧା ୫ ୱିକେଟ ବିନିମୟରେ ୩୨୬ ରନ୍ କରିବାକୁ ସକ୍ଷମ ହୋଇଛି । ଇଂଲଣ୍ଡ ପକ୍ଷରୁ ମାର୍କ ଉଡ ୩ଟି ୱିକେଟ ନେଇଥିବା ବେଳେ ଟମ୍ ହାର୍ଟଲେଙ୍କୁ ଗୋଟିଏ ୱିକେଟ ମିଳିଛି । ପଦାର୍ପଣ ମ୍ୟାଚରେ ଦମଦାର ଇନିଂସ ଖେଳୁଥିବା ସର୍ଫରାଜ ଖାନ୍ ୬୨ ରନ କରି ରନଆଉଟ ହୋଇ ପ୍ୟାଭିଲିୟନ ଫେରିଛନ୍ତି ।