ୟୁପି : ଉତ୍ତରପ୍ରଦେଶର ଆଗ୍ରାରେ ଭଦାଇ ରେଳ ଷ୍ଟେସନ ରେଲୱେ କ୍ରସିଂ ଗେଟ୍ମ୍ୟାନଙ୍କ ଯୋଗୁଁ ଟଳିଗଲା ବଡ ଦୁର୍ଘଟଣା । ଟ୍ରେନରେ ଭୟଙ୍କର ନିଆଁ ଲାଗିବାରୁ ରକ୍ଷା କରିଥିଲେ ଗେଟମ୍ୟାନ୍ ୟଶପାଲ ସିଂ । ଏହି ଘଟଣାରେ ଟ୍ରେନର ୪ଟି ବଗି ନିଆଁରେ ଛାରଖାର ହୋଇଯାଇଛି । ଖବର ମୁତାବକ, ୨୫ ଅକ୍ଟୋବର ଦିନ ପାତାଳକୋଟ୍ ଏକ୍ସପ୍ରେସ ଟ୍ରେନ ପଞ୍ଜାବ ଫରୀଦକୋଟରୁ ମଧ୍ୟପ୍ରଦେଶ ସିୟୋନୀ ଯାଉଥିଲା । ଟ୍ରେନ ଦିନ ୩.୩୭ ମିନିଟରେ ଆଗ୍ରା ଠାରୁ ୧୦ କିମି ଦୂର ଭଦାଇ ଷ୍ଟେସନ ପାସ୍ କରିବା ପରେ ଦୁଇଟି ଜେନେରାଲ ବଗିରେ ନିଆଁ ଲାଗିବା ଯୋଗୁଁ ଲୋକେ ଚିତ୍କାର କରିଥିଲେ । ଟ୍ରେନରେ ନିଆଁ ଲାଗିବା ଯୋଗୁଁ ୧୧ ଜଣ ଜଳିଯାଇଥିଲେ । ସେମାନଙ୍କ ଚିକିତ୍ସା ହସପିଟାଲରେ ଚାଲିଛି । ଟ୍ରେନ ରହିବା ବେଳକୁ କିଛି ଯାତ୍ରୀ ଟ୍ରେନ ଝରକା ଦେଇ ଡେଇଁ ପଡିଥିଲେ । ସେମାନଙ୍କୁ ତୁରନ୍ତ ହସପିଟାଲରେ ଭର୍ତ୍ତି କରାଯାଇଥିଲା ।
