ରାସ୍ତା ତଳକୁ ଖସିଲା ଯାତ୍ରୀବାହୀ ବସ

ଭଦ୍ରକ: ରାସ୍ତା ତଳ ଖାତକୁ ଯାତ୍ରାବାହୀ ବସ । ଦୁର୍ଘଟଣାରେ ୨୦ରୁ ଅଧିକ ଆହତ । ଭଦ୍ରକ ଜିଲ୍ଲା କୁପାରୀ-ରାଣୀତାଲ ରାସ୍ତାର ଗୋପାଳ ଛକ ନିକଟରେ ବସ ଦୁର୍ଘଟଣା ଘଟିଛି । ସ୍ଥାନୀୟ ଲୋକେ ତୁରନ୍ତ ଘଟଣା ସ୍ଥଳରେ ପହଁଚି ଗୁରୁତରଙ୍କୁ ଉଦ୍ଧାର କରି ପ୍ରଥମେ ଆମ୍ବୁଲାନ୍ସ ଯୋଗେ ରାଣୀତାଲ ମେଡିକାଲରେ ଭର୍ତ୍ତି କରିଛନ୍ତି । ସେମାନଙ୍କ ମଧ୍ୟରୁ ଗୁରୁତରଙ୍କୁ ଭଦ୍ରକ ମେଡିକାଲରେ ଭର୍ତ୍ତି କରାଯାଇଛି । ସୂଚନା ଅନୁସାରେ ଆଜି ଉଦଳାରୁ ଭଦ୍ରକ ଅଭିମୁଖେ ରଘୁନାଥ ବସ ଦ୍ରୁତ ଗତିରେ ଆସୁଥିବା ବେଳେ ହଠାତ ଭାରସାମ୍ୟ ହରାଇ ଓଲଟି ଖସି ପଡିଥିଲା । ଘଟଣାସ୍ଥଳରେ ପହଁଚି ପୋଲିସ ତଦନ୍ତ ଆରମ୍ଭ କରିଛି ।