ଭୁବନେଶ୍ୱର : ରାଜଧାନୀରେ “ଆମ ବସ” ସେବା ଠପ । ବିନା କାରଣରେ ଡ୍ରାଇଭର ଓ କଣ୍ଡକ୍ଟରଙ୍କୁ ମାଡ ଅଭିଯୋଗରେ ଆନେ୍ଦାଳନ । ସୁରକ୍ଷା ଦାବିରେ ଆନେ୍ଦାଳନକୁ ଓହ୍ଲାଇଲେ ବସ ଡ୍ରାଇଭର ଓ କଣ୍ଡକ୍ଟର । ଆମ ବସ ଡିପୋରେ ବସ ରଖି ଆନେ୍ଦାଳନରେ ବସିଲେ । ଆମ ବସର ବହୁ ଡ୍ରାଇଭର ଏବଂ କଣ୍ଡକ୍ଟର ମାଷ୍ଟରକ୍ୟାଣ୍ଟିନସ୍ଥିତ ଆମ ବସ୍ ଡିପୋରେ ଗାଡ଼ି ରଖି ଧାରଣା ଦେଇଛନ୍ତି । ସୂଚନା ଅନୁସାରେ ବିନା କାରଣରେ କଣ୍ଡକ୍ଟର ଏବଂ ଡ୍ରାଇଭରଙ୍କୁ ମାଡ଼ ମରାଯାଇଥିବା ଅଭିଯୋଗ କରିଛନ୍ତି କର୍ମଚାରୀ । ତେଣୁ ଅଭିଯୁକ୍ତଙ୍କୁ ଗିରଫ କରାଯିବା ଏବଂ ସେମାନଙ୍କୁ ସୁରକ୍ଷା ପ୍ରଦାନ ଦାବିରେ ଡ୍ରାଇଭର ଏବଂ କଣ୍ଡକ୍ଟରମାନେ ଗାଡ଼ି ଚଳାଚଳ ବନ୍ଦ ରଖିଥିବା ସୂଚନା ମିଳିଛି ।
