ଯୁବକଙ୍କୁ ଗୋଡାଇ ଗୋଡାଇ ହାଣିଲେ !

ଜଳେଶ୍ୱର : ଯୁବକଙ୍କୁ ଗୋଡାଇ ଗୋଡାଇ ଲୁଟିଲେ ଦୁର୍ବୁତ୍ତ । ଏନଏଚ ୧୬ ଜମାଳପୁର ଛକ ନିକଟରେ ମରଣାନ୍ତକ ଆକ୍ରମଣ । ଭୁଜାଲିରେ ଆକ୍ରମଣ କରି ଟଙ୍କା ଓ ମୋବାଇଲ ଲୁଟିନେଲେ । ରକ୍ତାକ୍ତ ଅବସ୍ଥାରେ ଯୁବକ ଉଦ୍ଧାର ହୋଇଥିବା ବେଳେ ବାଲେଶ୍ୱର ହସ୍ପିଟାଲକୁ ସ୍ଥାନାନ୍ତର କରାଯାଇଛି । ଆକ୍ରମଣ ଶୀକାର ଯୁବକ ବାଣିଦା ଗାଁର ଅରୁଣ ମହାନ୍ତି ।ଅରୁଣ ଏକ ହୋଟେଲରେ କାମ କରୁଥିବା ବେଳେ ବିଳମ୍ବିତ ରାତିରେ ବାଇକରେ ଘରକୁ ଫେରୁଥିଲେ । ମଝି ରାସ୍ତାରେ କିଛି ଦୁର୍ବୃତ୍ତ ଅଟକାଇ ଆକ୍ରମଣ କରିଥିଲେ । ଅଘଟଣ ଘଟାଇ ଦୁର୍ବୃତ୍ତମାନେ ଫେରାର ହୋଇଯାଇଛନ୍ତି । ଜଳେଶ୍ବର ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି ।