ବଲାଙ୍ଗିର : ମେଡିକାଲର ପାଇଖାନାରେ ପ୍ରସବ କରି ମହିଳା ଛୁ । ଭୀମଭୋଇ ମେଡିକାଲ କଲେଜ ହସ୍ପିଟାଲରେ ପାଇଖାନାରେ ପ୍ରସବ । ମେଡିକାଲର ମେଡିସିନ ବିଭାଗ ମହିଳା ୱାର୍ଡର ପାଇଖାନାରେ ପ୍ରସବ । ୱାର୍ଡର ଅନ୍ୟ ରୋଗୀଙ୍କ ଠାରୁ ସୂଚନା ପାଇ ଶିଶୁକନ୍ୟାକୁ ଉଦ୍ଧାର । ନବଜାତ ଶିଶୁକନ୍ୟା ଏବେ ଆଇସିୟୁରେ ଚିକିତ୍ସାଧୀନ । କନ୍ୟାଟି କାହାର ଆଉ କେଉଁ ପରିସ୍ଥିତିରେ ଏଠାକୁ ଆସିଲା ତାହା ଜଣାପଡିନାହିଁ ।ଆଜି ସକାଳେ ଫିମେଲ ମେଡ଼ିସିନ ୱାର୍ଡର ଶୌଚାଳୟରେ ଏକ ନବଜନ୍ମିତ ଶିଶୁକନ୍ୟା ପଡ଼ିଥିବା ରୋଗୀମାନେ ଦେଖିଥିଲେ। ଦିନେ କିମ୍ବା ଦୁଇଦିନ ତଳେ ଶିଶୁଟି ଜନ୍ମ ହୋଇଥିବା ଅନୁମାନ କରାଯାଉଛି । ଏନେଇ ମେଡିକାଲ କର୍ମଚାରୀଙ୍କୁ ଖବର ଦେଇଥିଲେ। ମେଡିକାଲ କର୍ମଚାରୀ ପିଲାଟିକୁ ଉଦ୍ଧାର କରି ଡାକ୍ତରଙ୍କୁ ଦେଖାଇଥିଲେ। ପିଲାଟିର ଓଜନ କମ୍ ଥିବାରୁ ତାର ଅବସ୍ଥା ଗୁରୁତର ରହିଛି। ଏଥିପାଇଁ ତାକୁ ଏସଏନସିୟୁରେ ଭର୍ତ୍ତି କରାଯାଇଛି।
