ଭୋପାଳ : ବିଜେପି ପାଇଁ ମାନସିକ ରଖିଥିଲେ । ସେଥିପାଇ ପାଦରେ ଜୋତା ପିନ୍ଧୁ ନ ଥିଲେ । ଏବେ ମାନସିକ ହେଲା ପୁରଣ ଆଉ ଜୋତା ପିନ୍ଧାଇଲେ ପୂର୍ବତନ ମୁଖ୍ୟମନ୍ତ୍ରୀ ଶିବାରାଜ ସିଂ ଚୈାହାନ । ୨୦୧୮ରେ ରାମଦାସ ପୁରୀ ନେଇଥିଲେ ପ୍ରତିଜ୍ଞା । ଆଉ ଏବେ ତାହା ପୂରଣ ହେଲା । ବିଜେପି ନିର୍ବାଚନ ଜିତି ସତ୍ତାକୁ ଆସିଲା । ମୁଖ୍ୟମନ୍ତ୍ରୀ ଭାବେ ଶପଥ ନେଲେ ମୋହନ ଯାଦବ । ୬ ବର୍ଷ ପରେ ପାଦରେ ଜୋତା ପିନ୍ଧାଇ ରାମଦାସଙ୍କ ସଙ୍କଳ୍ପ ପୁରା କରିଥିଲେ ।
ସୂଚନା ଅନୁଯାୟୀ , ୨୦୧୮ରେ ବିଧାନସଭା ନିର୍ବାଚନରେ ବିଜେପି ପରାଜୟ ହୋଇଥିଲା । କଂଗ୍ରେସ ଜିତି ସରକାର ଗଠନ କରିଥିଲା । କମଲନାଥଙ୍କ ହାତରେ ଥିଲା ମଧ୍ୟପ୍ରଦେଶର ଭାଗ୍ୟ । କିନ୍ତୁ କିଛି ମତଭେଦ ପାଇଁ ଜ୍ୟୋତିରାଦିତ୍ୟ ସିନ୍ଧିଆ ନିଜର ସମର୍ଥନ ଫେରାଇ ଆଣିଥିଲେ ଏବଂ କମଲନାଥଙ୍କୁ ମୁଖ୍ୟମନ୍ତ୍ରୀ ପଦ ଫେରାବାକୁ ପଡିଥିଲା । ଜ୍ୟୋତିରାଦିତ୍ୟ ସିନ୍ଧିଆ କଂଗ୍ରେସର ସଦସ୍ୟତାରୁ ବାହାରି ବିଜେପିରେ ଯୋଗ ଦେଇଥିଲେ । ସିନ୍ଧିଆଙ୍କ ସମର୍ଥନରେ ବିଜେପି ୧ ବର୍ଷ ୩ ମାସ ପରେ ସରକାର ପୁଣି ଥରେ ଫେରି ପାଇଥିଲା । ବିଜେପି ଶିବରାଜ ସିଂହ ଚୈାହ୍ୱାନଙ୍କୁ ମୁଖ୍ୟମନ୍ତ୍ରୀ କରିଥିଲା କିନ୍ତୁ ନିର୍ବାଚନ ଜିତି ସରକାର ଗଠନ ହୋଇ ନ ଥିଲା । କିନ୍ତୁ ୨୦୨୩ରେ ବିଜେପି କଂଗ୍ରେସକୁ ବହୁ ମାତ୍ରାରେ ହରାଇ ସତ୍ତା ହାସଲ କରିଥିଲା । ଏହି କ୍ରମରେ ରାମଦାସ ପୁରୀଙ୍କର ସଂକଳ୍ପ ପୂରଣ ହୋଇଥିଲା ।
