ଭୁବନେଶ୍ୱର : ମହେଶ୍ୱର ମହାନ୍ତି ଗୋଟେ ଏମିତି ଚେହେରା ଯାହା ଅଗଣିତ ଜନତାଙ୍କ ମନରେ ସବୁବେଳେ ରହିବେ । ନବେ ଦଶକରୁ ରାଜନୀତିରେ ଆସିବା ପରେ ପ୍ରତିନିଧିତ୍ୱ କରିବା ତାଙ୍କୁ ଏକ ନୂଆ ପରିଚୟ ଦେଇଥିଲା । ଆଜି ତାଙ୍କର ପରଲୋକ ହୋଇଛି । ମହେଶ୍ୱର ମହାନ୍ତି ଅମର ରହେ ନାରାରେ କମ୍ପୁି ଉଠିଛି ଶଙ୍ଖ ଭବନା ବିଜେଡି କାର୍ଯ୍ୟାଳୟରେ ଶେଷ ଦର୍ଶନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଶେଷ ଦର୍ଶନ କରି ଶ୍ରଦ୍ଧାଞ୍ଜଳୀ ଜଣାଇଛନ୍ତି ଦଳୀୟ ନେତୃବୃନ୍ଦ । ଶଙ୍ଖ ଭବନରେ ଶେଷ ଦର୍ଶନ ପରେ ତାଙ୍କର ପାର୍ଥିବ ଶରୀରକୁ ବିଧାନସଭାକୁ ନିଆଯାଇଛି । ସେଠାରେ ତାଙ୍କର ଶେଷଦର୍ଶନ କରିଛନ୍ତି ବିଧାନସଭାର ସଦସ୍ୟ ଓ ସାଧାରଣ ଲୋକ । ବିଧାନସଭାରେ ମହେଶ୍ବର ମହାନ୍ତିଙ୍କୁ ଗାର୍ଡ ଅପ୍ ଅନର୍ ଦିଆଗଲା। ପରେ ତାଙ୍କ ପାର୍ଥିବ ଶରୀରକୁ ପୁରୀ ନିଆଯିବ । ସ୍ବର୍ଗଦ୍ବାରରେ ହେବ ଶେଷ କୃତ୍ୟ । ବିଜେଡିର ବରିଷ୍ଠ ନେତା ତଥା ପୂର୍ବତନ ବାଚସ୍ପତି ମହେଶ୍ବର ମହାନ୍ତି ଭୋର ୩ଟା ୨୫ରେ ଶେଷ ନିଶ୍ବସ ତ୍ୟାଗ କରିଥିଲେ । । ଚିକିତ୍ସାଧୀନ ଅବସ୍ଥାରେ ଭୁବନେଶ୍ବରର ଏକ ଘରୋଇ ହସ୍ପିଟାଲରେ ତାଙ୍କର ଦେହାନ୍ତ ହୋଇଥିଲା।
