ଜଳେଶ୍ୱର : ପାଟ୍ରୋଲିଂ ବେଳେ ମହିଳା ଆଇଆଇସିଙ୍କୁ ଆକ୍ରମଣ ଅଭିଯୋଗ । ତାଳସାରୀ ସାମୁଦ୍ରିକ ଥାନାର ମହିଳା ଆଇଆଇସିଙ୍କୁ ସ୍ଥାନୀୟ ଲୋକଙ୍କ ମାଡ । ଭୋଗରାଇ ବ୍ଲକ ଉଦୟପୁରରେ ଚାପା ଉତ୍ତେଜନା । ୨୦ରୁ ଅଧିକ ଅଟକ । ଜୁଆ ଖେଳ ବନ୍ଦ କରିବାକୁ କହିବାରୁ ଆକ୍ରମଣ କରିଥିଲେ ଲୋକେ । ଏକ ଦୋକାନ ଘରେ ବନ୍ଦ କରି ଆଇଆଇସିଙ୍କୁ ନିର୍ଯ୍ୟାତନା ସହ ଡ୍ରାଇଭରଙ୍କୁ ମାଡ ।
ସୂଚନା ଅନୁସାରେ, ଭୋଗରାଇର ଉଦୟପୁର ଗାଁ ମଧ୍ୟ ଦେଇ ପାଟ୍ରୋଲିଂ କରୁଥିଲେ ଥାନା ଅଧିକାରୀ। ଉଦୟପୁର ଗାଁର ଜଣେ ବ୍ୟକ୍ତିଙ୍କ ଦୋକାନ ବନ୍ଦ କରିବାକୁ କହିବାରୁ ଅଚାନକ କିଛି ବ୍ୟକ୍ତି ତାଙ୍କୁ ଜବରଦସ୍ତ ଦୋକାନ ଘରେ ପୂରାଇ ଦେଇଥିଲେ । ଥାନାର ଗାଡି ଚାଳକ ଏହାକୁ ବିରୋଧ କରିବାରୁ ତାଙ୍କୁ ମାରି ଲହୁ ଲୁହାଣ କରିଥିଲେ ଜୁଆଡ୍ଡି। ଏପରିକି ଗାଡିରେ ଥିବା ପୋଲିସ କର୍ମଚାରୀଙ୍କୁ ମଧ୍ୟ ମାଡ ମରାଯାଇଥିବା ଅଭିଯୋଗ ହୋଇଛି। ଖବର ପାଇ ଭୋଗରାଇ ପୋଲିସ ଓ ଚନ୍ଦନେଶ୍ବର ଫାଣ୍ଡି ପୋଲିସ ପହଞ୍ଚି ଥାନା ଅଧିକାରିଣୀଙ୍କୁ ଉଦ୍ଧାର କରି ଘଟଣାର ତଦନ୍ତ ଜାରି ରଖିଛି। ଘଟଣାରେ ୧୧ ଜଣଙ୍କୁ ଉଠାଇ ନେଇଛି ପୋଲିସ।
