ନୂଆଦିଲ୍ଲୀ : ଜିମ୍ବାୱେରେ ଭୟଙ୍କର ସଡ଼କ ଦୁର୍ଘଟଣା । ଦୁର୍ଘଟଣାରେ ୨୨ ଜଣଙ୍କର ମୃତ୍ୟୁ ହୋଇଛି । ଟ୍ରକ ଏବଂ ମିନିବସ୍ ପରସ୍ପର ସହିତ ଧକ୍କା ହେବା ଯୋଗୁଁ ଫଳରେ ଏଭଳି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ଆହତଙ୍କୁ ହସପିଟାଲରେ ଭର୍ତ୍ତି କରାଯାଇଛି । ପୋଲିସ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ୟ୍ୟ ଜାରି ରଖିଛି । ତେବେ ଜିମ୍ବାୱେରେ ସଡ଼କ ଦୁର୍ଘଟଣା ସାଧାରଣ ହୋଇଯାଇଛି । ଏଠିକାର ଲୋକ ଜିନିଷ କିଣିବା ପାଇଁ ଦକ୍ଷିଣ ଆଫ୍ରିକା ଯାତ୍ରା କରନ୍ତି । ବହୁତ ଲୋକ ନିଜ ପରିବାର ଲୋକଙ୍କୁ ସାକ୍ଷାତ କରିବା ପାଇଁ ମଧ୍ୟଆସନ୍ତି । ଏଠାରେ କିଛି ଗାଡି ଚାଳକ ବାହାନରେ ନିର୍ଦ୍ଧାରିତ କ୍ଷମତା ଠାରୁ ଅଧିକ ଲୋକ ଏବଂ ଜିନିଷ ଲଦି ନେଉଛନ୍ତି । ଏହାଛଡା ଗାଡି ଗୁଡିକ ନିର୍ଦ୍ଧାରିତ ଗତି ଠାରୁ ଅଧିକ ବେଗରେ ଚଲାଯାଉଛି । ଏଠାରେ ରାସ୍ତା ଅବସ୍ଥା ମଧ୍ୟ ବହୁତ ଖରାପ । ତେଣୁ ଦୁର୍ଘଟଣା ହେବା ସ୍ୱାଭାବିକ ।
