ଭୁବନେଶ୍ୱର : ଆସନ୍ତାକାଲିଠାରୁ ପଶ୍ଚିମା ଝଡ ସମ୍ଭାବନା , ୧୭ ଯାଏଁ ଘଡଘଡି ସହ ବର୍ଷା । ଝଡ ପବନ ସହ ବର୍ଷା ନେଇ ପାଣିପାଗ ବିଭାଗ ପକ୍ଷରୁ ସତର୍କତା । ଆସନ୍ତାକାଲି ଉପକୂଳ ଓ ପାଶ୍ୱର୍ବର୍ତ୍ତୀ ଜିଲ୍ଲାରେ ପ୍ରଭାବ ପଡିବା ସମ୍ଭାବନା । କେନ୍ଦୁଝର , ମୟୁରଭଂଜ , ବାଲେଶ୍ୱର , ଯାଜପୁର , ଭଦ୍ରକକୁ ଆଲର୍ଟ । ଢେଙ୍କାନାଳ , କେନ୍ଦ୍ରାପଡା , କୋରାପୁଟରେ ବର୍ଷା ସମ୍ଭାବନା । ରାୟଗଡା , ଗଜପତି କନ୍ଧମାଳରେ ବି ବର୍ଷା ହେବା ନେଇ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି ।
ଆସନ୍ତା ୧୬ ରେ ସାରା ଓଡିଶାରେ ବର୍ଷା ସମ୍ଭାବନା । ଉତ୍ତର ଉପକୂଳର ୧୩ ଜିଲ୍ଲାରେ ୪୦/୫୦ କିମି ପବନ ଓ ବର୍ଷା ଆଶଙ୍କା । ୧୫ ତାରିଖରେ ଉତ୍ତର ଓ ଉପକୂଳ ଓଡିଶାରେ ଘଡଘଡି ସହ ବର୍ଷା ହେବା ନେଇ ଆଂଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ସୂଚନା ମିଳିଛି । ୧୬ ଓ ୧୭ ତାରିଖରେ ପଶ୍ଚିମା ଝଡର ସର୍ବାଧିକ ପ୍ରଭାବ ରହିବ । ବିଭିନ୍ନ ସ୍ଥାନରେ ବିଜୁଳି ଘଡଘଡି ସହ ବର୍ଷା ଓ ଝଡ ପବନ ହେବ । ୧୬ରେ ୧୩ଟି ଜିଲ୍ଲା ଓ ୧୭ରରେ ୧୨ଟି ଜିଲ୍ଲାକୁ ବ୍ୱାର୍ଣ୍ଣିଂ । ବର୍ଷା ହେବା ଫଳରେ ଗରମ ଗୁଳୁଗୁଳି ରୁ ଲୋକଙ୍କୁ ତ୍ରାହି ମିଳିବ । ସେପଟେ ଗତ ଦୁଇ ଦିନ ଧରି ପାଗ ମେଘୁଆ ଥିବା ଦେଖା ଯାଉଛି ।
