ନୂଆଦିଲ୍ଲୀ : ଇଣ୍ଡିଗୋ ପାଇଲଟଙ୍କ ଅନୁରୋଧ ରଖିଲାନି ପାକିସ୍ତାନ । ଏୟାରସ୍ପେସ୍ ବ୍ୟବହାର ପାଇଁ ଦେଲାନି ଅନୁମତି । ହଠାତ୍ ଝଡ଼ବର୍ଷାର ସମ୍ମୁଖୀନ ହୋଇଥିବା ଦିଲ୍ଲୀ-ଶ୍ରୀନଗର ଉଡ଼ାଣରେ କାର୍ୟ୍ୟରତ ଇଣ୍ଡିଗୋ ପାଇଲଟ ଲାହୋର ଏୟାର ଟ୍ରାଫିକ କଣ୍ଟ୍ରୋଲଙ୍କୁ ଫୋନ କରିଥିଲେ । ପାକିସ୍ତାନ ଆକାଶପଥ ବ୍ୟବହାର କରି ଝଡ଼ବର୍ଷାକୁ ଏଡ଼ାଇବା ପାଇଁ ଅନୁମତି ମାଗିଥିଲେ । କିନ୍ତୁ ଏହି ଅନୁରୋଧକୁ ପ୍ରତ୍ୟାଖ୍ୟାନ କରିଥିଲା ପାକିସ୍ତାନ ।
ପୂରା ଘଟଣା ନେଇ ବେସାମରିକ ବିମାନ ଚଳାଚଳ ମହାନିର୍ଦ୍ଦେଶକ ବା ଡିଜିସିଏ ତଦନ୍ତ କରୁଛି। ବୁଧବାର ଦିଲ୍ଲୀରୁ ଶ୍ରୀନଗର ଯାଉଥିବା ବିମାନ ଜରୁରୀ ଅବତରଣ କରିଥିଲା । ପ୍ରତିକୂଳ ପାଗ ଏବଂ କୁଆପଥର ମାଡ ଯୋଗୁଁ ମଝି ଆକାଶରେ ବିମାନ ଟଳମଳ ହୋଇଥିଲା ବିମାନରେ ୨୨୭ ଜଣ ଯାତ୍ରୀ ଥିଲେ । ଏହି ବିମାନରେ TMC ସାଂସଦ ସାଗରିକା ଘୋଷଙ୍କ ସମେତ ୫ ଜଣ ସଦସ୍ୟ ଥିଲେ ।
