ନୂଆଦିଲ୍ଲୀ : ଆମେରିକାର ରାଷ୍ଟ୍ରପତି ଜୋ ବିଡେନଙ୍କ ନିକଟତର ବିବେଚିତ ହୋଇଥିବା ଏରିକ ଗାର୍ସେଟୀ ଆମେରିକାର ଭାରତରେ ରାଷ୍ଟ୍ରଦୂତ ଭାବରେ ନିର୍ବାଚିତ ହୋଇଛନ୍ତି। ପ୍ରାୟ ଦୁଇ ବର୍ଷ ଧରି ଏହି ପଦବୀ ଖାଲି ପଡ଼ିଥିଲା, ଯେତେବେଳେ ସିନେଟ୍ ଗାର୍ସେଟୀଙ୍କ ନାମାଙ୍କନ ପତ୍ରକୁ ନିଶ୍ଚିତ କରିଥିଲେ ଏବଂ ଏହାକୁ ପୂରଣ କରିଥିଲେ, ଶୀର୍ଷ କୂଟନୈତିକ ପଦବୀ ପାଇଁ ତାଙ୍କର ରାସ୍ତା ସହଜ ହୋଇଥଲା । ତାଙ୍କ ବିରୋଧରେ ୪୨ ଭୋଟ୍ ଥିବାବେଳେ ଏରିକ୍ ଗାର୍ସେଟୀ ୫୨ ଭୋଟ୍ ପାଇଥିଲେ।
ସିନେଟ ଇଣ୍ଡିଆ କକସର ସହ-ଚେୟାରମ୍ୟାନ୍ ସିନେଟର ମାର୍କ ୱାର୍ଣ୍ଣର କହିଛନ୍ତି, “ଭାରତ ସହ ଆମେରିକାର ଦୃଢ ସମ୍ପର୍କ ରହିଛି ଏବଂ ଏହାର କେବଳ ରଣନୀତିକ ନୁହେଁ ଅର୍ଥନୈତିକ ଏବଂ ସାଂସ୍କୃତିକ ଗୁରୁତ୍ୱ ରହିଛି। ଦୁଇ ଦେଶର ସହଭାଗୀ ମୂଲ୍ୟବୋଧ ଉପରେ ଆଧାରିତ ଏକ ସହଭାଗିତା, ଅର୍ଥନୈତିକ ଏବଂ ବାଣିଜ୍ୟ କ୍ଷେତ୍ରରେ ବଢୁଥିବା ସମ୍ପର୍କକୁ ସମର୍ଥନ କରି ଏବଂ ଆମେରିକାର ଭାରତୀୟ ଲୋକଙ୍କ ଦ୍ୱାରା ମଜବୁତ ହେବା ଆସନ୍ତାକାଲି ପାଇଁ ଗୁରୁତ୍ୱପୂର୍ଣ୍ଣ ଅଟେ।
ରାଷ୍ଟ୍ରପତି ଜୋ ବିଡେନଙ୍କ ଦ୍ୱାରା ଜୁଲାଇ ୨୦୨୧ ରେ ଭାରତରେ ଆମେରିକାର ରାଷ୍ଟ୍ରଦୂତ ଭାବରେ ଗାର୍ସେଟୀଙ୍କ ନାମ ମନୋନୀତ ହୋଇଥିଲା। ପ୍ରକାଶ ଥାଉକି, ଏହି ଦୁଇ ବର୍ଷରେ ଗାର୍ସେଟୀଙ୍କ ନାମ ଅନୁମୋଦନ ହୋଇନଥିଲା, କାରଣ କେତେକ ସାଂସଦ ତାଙ୍କ ନିଯୁକ୍ତିକୁ ବିରୋଧ କରି କହିଥିଲେ ଯେ, ସେ ମେୟର ଥିବା ସମୟରେ ଯୈ÷ାନ ଶୋଷଣର ଅଭିଯୋଗ ଆଣିଥିଲେ ଏବଂ ସେ ଏହି ଅଭିଯୋଗ ଗୁଡିକର ପ୍ରଭାବଶାଳୀ ଭାବରେ ମୁକାବିଲା କରିବାରେ ଅସମର୍ଥ।
୫୨ ବର୍ଷିୟ ଗାର୍ସେଟୀ ସାନ ଫର୍ନାଣ୍ଡୋ ଭ୍ୟାଲିରେ ବଢିଥିଲେ ଏବଂ କଲମ୍ବିଆ ବିଶ୍ୱବିଦ୍ୟାଳୟରୁ ବିଏ ଏବଂ ଏମଏ ଅର୍ଜନ କରିଥିଲେ । ସେ ଅକ୍ସଫୋର୍ଡ ଏବଂ ଲଣ୍ଡନ ସ୍କୁଲ ଅଫ୍ ଇକୋନୋମିକ୍ସରେ ରୋଡସ୍ ସ୍କୋଲାର୍ ଭାବରେ ଅଧ୍ୟୟନ କରିଥିଲେ ଏବଂ ଅସିଡେଣ୍ଟାଲ୍ କଲେଜ୍ ଏବଂୟୁଏସସି ରେ ଶିକ୍ଷାଦାନ କରିଥିଲେ । ତାଙ୍କୁ ୧୨ ବର୍ଷ ଧରି ଆମେରିକାର ନୈାସେନାରେ ଜଣେ ଅଧିକାରୀ ଭାବରେ ପୋଷ୍ଟ କରାଯାଇଥିଲା। ସେ ପିଆନୋଷ୍ଟ ଏବଂ ଫଟୋଗ୍ରାଫିକୁ ମଧ୍ୟ ଭଲ ପାଆନ୍ତି । ତାଙ୍କ ପତ୍ନୀ ଆମି ଏଲେନ୍ ୱାକଲ୍ୟାଣ୍ଡଙ୍କ ସହ ତାଙ୍କର ଏକ ଝିଅ ଅଛି।
ଯେତେବେଳେ ସେ ୨୦୧୩ ରେ ଲସ୍ ଆଞ୍ଜେଲ୍ସର ମେୟର ଭାବରେ ନିର୍ବାଚିତ ହୋଇଥିଲେ, ସେତେବେଳେ ସେ ୧୦୦ ବର୍ଷ ମଧ୍ୟରେ ସହରର ସର୍ବ କନିଷ୍ଠ ମେୟର ହୋଇଥିଲେ ଏବଂ ସେହି ପଦବୀରେ ଅବସ୍ଥାପିତ ପ୍ରଥମ ଯିହୁଦୀ ବ୍ୟକ୍ତି ହୋଇଥିଲେ। ଏହାପୂର୍ବରୁ ସେ ୨୦୦୬ ରୁ ୨୦୧୨ ପର୍ୟ୍ୟନ୍ତ ଲସ୍ ଆଞ୍ଜେଲସ୍ ସିଟି କାଉନସିଲର ସଭାପତି ଭାବରେ କାର୍ୟ୍ୟ କରିଥିଲେ ଏବଂ ଏହାପୂର୍ବରୁ ୧୩ ତମ ଜିଲ୍ଲା ପାଇଁ ପରିଷଦ ସଦସ୍ୟ ଭାବରେ କାର୍ୟ୍ୟ କରିଥିଲେ।
