କଟକ : ରବିବାର ଦିନ କଟକ ଜିଲ୍ଲା ବଡ଼ମ୍ବା ନରସିଂହ ପୁର ନିର୍ବାଚନ ମଣ୍ଡଳୀର କଂଗ୍ରେସ କର୍ମୀ ମାନଙ୍କୁ ନେଇ ଏକ ବନ୍ଧୁମିଳନ ବୈଠକ ,ବଡ଼ମ୍ବା- ନରସିଂହପୁର ନିର୍ବାଚନ ମଣ୍ଡଳୀର ଯୁବ କଂଗ୍ରେସ ସଭାପତି ବଳଭଦ୍ର ପ୍ରହରାଜଙ୍କ ସଭାପତିତ୍ୱରେ ମା ଭଟ୍ଟାରିକାଙ୍କ ପୀଠ ସ୍ଥଳୀରେ ଅନୁଷ୍ଠିତ ହୋଇଥିଲା । କଟକ ମହାନଗର ନିଗମ ୫୮ ନମ୍ବର ୱ।ର୍ଡ଼ କର୍ପୋରେଟର ଜନାର୍ଦ୍ଦନ ପରିଡ଼ାଙ୍କ ପକ୍ଷରୁ ଆୟୋଜିତ କଂଗ୍ରେସ କର୍ମୀଙ୍କ ବନ୍ଧୁ ମିଳନ କାର୍ୟ୍ୟକ୍ରମରେ କଂଗ୍ରେସକୁ ତୃଣମୂଳ ସ୍ତରରୁ ସୁଦୃଢ଼ କରିବା ପାଇଁ ବନ୍ଧୁ ମିଳନ ବୈଠକରେ ଆଲୋଚନା କରାଯାଇଥିଲା । ଏହି ବୈଠକରେ ବଡ଼ମ୍ବା ନରସିଂହ ପୁର ନିର୍ବାଚନ ମଣ୍ଡଳୀର ଯୁବ କଂଗ୍ରେସ ସଭାପତି ବଳଭଦ୍ର ପ୍ରହରାଜ, ପଞ୍ଚାନନ ମହାନ୍ତି , ପ୍ରଦୀପ ଧଳ , ସାନ୍ତନୁ ବଳିୟାର ସିଂ , ଅମରେନ୍ଦ୍ର ଖଟୁଆ , ଗୁଣନିଧି ରାଉତ , ମାନସ ନାୟକ , ଶିଶୁଦେବ ରଣା, ସନ୍ତୋଷ ଦଳେଇ, ରମେଶ ନାୟକଙ୍କ ସମେତ ବହୁ କଂଗ୍ରେସ କର୍ମୀ ଏହି ବନ୍ଧୁମିଳନ ବୈଠକ ରେ ଯୋଗ ଦେଇଥିଲେ । ଆଗାମୀ ନିର୍ବାଚନରେ ବଡ଼ମ୍ବା -ନରସିଂହପୁର ନିର୍ବାଚନ ମଣ୍ଡଳୀ ରେ , କଂଗ୍ରେସକୁ ଆଗକୁ ନେବାପାଇଁ ହାତକୁ ହାତ ମିଶାଇ ଶପଥ ନେଇଥିଲେ ।
