ଜଗତସିଂହପୁର : ଧଳା ଜହର ରୋକିବାପାଇଁ ଜଗତସିଂହପୁର ପୋଲିସ ପକ୍ଷରୁ ଚାଲିଥିବା ଚଢ଼ାଉ ଓ ଯାଞ୍ଚ ଅଭିଯାନକୁ ଏକ ବଡ ସଫଳତାମିଳିଛି । ଜଗତସିଂହପୁର ସଦର ଥାନା ଅନ୍ତର୍ଗତ ଆଳିପିଙ୍ଗଳ ନିକଟରେ ଚଢ଼ାଉ କରି ୩୨୧.୬୨ ଗ୍ରାମ ବ୍ରାଉନସୁଗାର ଜବତ କରିବାରେ ସଫଳ ହୋଇଛି ପୋଲିସ । ୩ ଜଣଙ୍କୁ ଗିରଫ କରିବା ସହିତ ନଗଦ ୯୭ ହଜ଼ାର ଟଙ୍କା ଏବଂ ଏକ ବାଇକ ମଧ୍ୟ ଜବତ କରାଯାଇଛି । ସୂଚନା ଅନୁସାରେ କୌଣସି ସୂତ୍ରରୁ ଖବର ପାଇ ସଦର ଥାନା ପୋଲିସ ଉକ୍ତ ସ୍ଥାନରେ ଚଢ଼ାଉ କରିଥିଲା । ଏହି ଚଢ଼ାଉ ବେଳେ ବ୍ରାଉନସୁଗାର ବିକିବାକୁ ଆସିଥିବା ନିଆଳି ଥାନା ପତ୍ରକଣା ଗ୍ରାମର ଦେବେନ୍ଦ୍ର ସାହୁ ଓ ତାଙ୍କ ପୁଅ ସଞ୍ଜିତ ସାହୁକୁ ପୋଲିସ ଗିରଫ କରିଥିଲା । ସେହିପରି ଏମାନଙ୍କ ଠାରୁ ବ୍ରାଉନସୁଗାର କିଣୁଥିବା ଅଭିଯୋଗରେ ଆଳିପିଙ୍ଗଳ ଅଞ୍ଚଳର ସୌମ୍ୟରଂଜନ ଭୋଇକୁ ମଧ୍ୟ ପୋଲିସ ଗିରଫ କରିଥିବା ସଦର ଥାନା ଆଇଆଇସି ସୂଚନା ଦେଇଛନ୍ତି । ଏହି ବ୍ରାଉନ ସୁଗାର ର ମୂଲ୍ୟ ଆନୁମାନିକ ୩୨ଲକ୍ଷ ଟଙ୍କା ହେବ ବୋଲି ଜଣାପଡିଛି କ୍ଷ ଆଜି ସମସ୍ତ ୩ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।
