ନୂଆଦିଲ୍ଲୀ : ସୁଦାନ ବିମାନବନ୍ଦରରେ ବଡ଼ ଦୁର୍ଘଟଣା । ରବିବାର ଏଠାରେ ଏକ ସିଭିଲ୍ ବିମାନ ଦୁର୍ଘଟଣାଗ୍ରସ୍ତ ହୋଇ ୯ ଜଣଙ୍କ ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ୪ ସେନାକର୍ମୀ ଅଛନ୍ତି। ସୁଦାନ ସେନା କହିଛି ଯେ ବୈଷୟିକ ତ୍ରୁଟି ଯୋଗୁ ଏହି ଦୁର୍ଘଟଣା ଘଟିଛି। ତେବେ ଏଥିରେ ଜଣେ କୁନି ଝିଅର ଜୀବନ ରକ୍ଷା ପାଇଥିବା କୁହାଯାଉଛି। କୁନି ଝିଅକୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି। ସେଠାରେ ତା’ର ଚିକିତ୍ସା ଚାଲିଛି।
ଗଣମାଧ୍ୟମ ରିପୋର୍ଟ ଅନୁସାରେ, ପୋର୍ଟ ସୁଦାନ ବିମାନବନ୍ଦରରୁ ଏକ ସିଭିଲ୍ ବିମାନ ଉଡ଼ାଣ ଭରୁଥିଲା। ଏହି ସମୟରେ ହଠାତ୍ ବୈଷୟିକ ତ୍ରୁଟି ହେତୁ ଟେକ୍ଅଫ୍ ବେଳେ ବିମାନଟି କ୍ରାସ୍ ହୋଇଯାଇଥିଲା। ଦୁର୍ଘଟଣା ଏତେ ଭୟଙ୍କର ଥିଲା ଯେ ବିମାନରେ ଥିବା ୯ ଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା। ମୃତକଙ୍କ ମଧ୍ୟରେ ସେନାର ୪ ଯବାନ ଅଛନ୍ତି। ସୂଚନାଥାଉ କି, ସୁଦାନ ଦୀର୍ଘ ଦିନ ଧରି ଗୃହଯୁଦ୍ଧ ନିଆଁରେ ଜଳୁଛି। ଏପ୍ରିଲ୍ ୧୫ରୁ ଏଠାରେ ସଶସ୍ତ୍ର ବାହିନୀ ଏବଂ ଅର୍ଦ୍ଧସୈନିକ ରାପିଡ୍ ସପୋର୍ଟ ଫୋର୍ସ ମଧ୍ୟରେ ଯୁଦ୍ଧ ଚାଲିଛି।
