ସାରା ଭାରତରେ ସୀମା ସରହଦର ସୁରକ୍ଷା ଏବଂ ନିରାପତ୍ତାକୁ ନିଶ୍ଚିତ କରିବା ପାଇଁ ୦୧ ଡିସେମ୍ବର ୧୯୬୫ ମସିହାରେ ରେ ବିଏସଏଫ ର ସ୍ଥାପନା କରାଯାଇଥିଲା । ଏହା ପରଠାରୁ ବିଏସଏଫ ବାଟାଲିୟନ ଭାରତ-ପାକିସ୍ଥାନ ଏବଂ ଭାରତ- ବାଂଲାଦେଶ ସୀମା ସୁରକ୍ଷା କରିବା , ଆନ୍ତଃଦେଶିୟ ସୀମା ରେ ବିଭିନ୍ନ ପ୍ରକାରର ଚୋରା ଚାଲାଣକୁ ରୋକିବା , ସରହଦ ନିକଟରେ ରହୁଥିବା ଭାରତୀୟଙ୍କୁ ସୁରକ୍ଷା ଦେଇ ବିଭିନ୍ନ ଅପରାଧକୁ ନିୟନ୍ତ୍ରଣ କରିଥାଏ । କିନ୍ତୁ ପରବର୍ତ୍ତୀ ସମୟରେ ବିଭିନ୍ନ ନକ୍ସଲ ପ୍ରବଣ ରାଜ୍ୟ ରେ ନକ୍ସଲ ମାନଙ୍କ ଆତଙ୍କରୁ ମୁକ୍ତି ପାଇବା ପାଇଁ ବିଭିନ୍ନ ରାଜ୍ୟ ଗୁଡ଼ିକରେ ନିୟୋଜିତ ହୋଇ ସଫଳତାର ସହ ଆଭ୍ୟନ୍ତରୀଣ ସୁରକ୍ଷା ପ୍ରଦାନ କରିଛନ୍ତି | ଆଜି ବିଏସଏଫ ପୁରା ଭାରତବର୍ଷରେ ଏହାର ୫୮ ତମ ଜନ୍ମଦିବସ ପାଳନ କରୁଥିବା ବେଳେ , ମାଲକାନଗିରି ଜିଲ୍ଲାର ଖଇରପୁଟ , କୁଡୁମୁଲୁଗୁମ୍ମା ଓ ଗୋବିନ୍ଦପାଲ୍ଲୀ ସ୍ଥିତ କ୍ୟାମ୍ପ ଗୁଡ଼ିକରେ ୧୫୧ ବିଏସଏଫ ର ବାଟାଲିୟନ କମାଣ୍ଡାଣ୍ଟ ଶ୍ରୀ ରବିନ୍ଦ୍ର ଠାକୁରଙ୍କ ଉପସ୍ଥିତିରେ ଭାରତ ରାଷ୍ଟ୍ର କୁ ସମ୍ମାନ ପୂର୍ବକ ବିଭିନ୍ନ ସାମାଜିକ ଓ ସାଂସ୍କୃତିକ କାର୍ଯ୍ୟକ୍ରମ ମାନ ଆୟୋଜନ କରାଯାଇଛି ।
