ବାଲେଶ୍ଵର ଜିଲ୍ଲା ବସ୍ତା ବ୍ଲକ ରଘୁନାଥପୁର ପଞ୍ଚାୟତ କାଣ୍ଡ ଗାଁ ଗ୍ରାମର କାଣ୍ଡ ଗାଁ ଖାଳ ଉପରେ ଏକ ପୋଲ ନିର୍ମାଣ ହେଉଛି। ତେବେ ସରକାରୀ ନିୟମାନୁଯାୟୀ ପ୍ରକଳ୍ପ କାର୍ୟ୍ୟ ଆରମ୍ଭ ହେବା ପୂର୍ବରୁ ସୂଚନା ଫଳକ ଲାଗିବା ନିହାତି ଆବଶ୍ୟକ। ମାତ୍ର ଏଠାରେ ଏହାର ବ୍ୟତିକ୍ରମ ଦେଖିବାକୁ ମିଳିଛି । ଯାହା ପାଇଁ ଅଞ୍ଚଳବାସୀ ପୋଲ ନିର୍ମାଣ ବାବଦରେ କୌଣସି ତଥ୍ୟ ଜାଣି ପାରୁ ନାହାଁନ୍ତି । ଏକ ପ୍ରକାର ଦ୍ବନ୍ଦରେ ରହିଛନ୍ତି। ଯେପରିକି ଉକ୍ତ ପୋଲଟି କେଉଁ ବିଭାଗ ଅଧୀନରେ, କେତେ ଟଙ୍କାର କାମ, କେବ କାର୍ୟ୍ୟ ଆରମ୍ଭ ହୋଇ ଶେଷ ହେବ, ଠିକାଦାର ବା ନିର୍ମାଣ ସଂସ୍ଥା ର ନାମ, ପୋଲର ଅବଧି କେତେ ବର୍ଷ ଏହି ଭଳି ଅନେକ ତଥ୍ୟ ସାଧାରଣ ଲୋକେ ଜାଣି ବାକୁ ଚାହଁକ ଥିଲେ ବି ସେମାନଙ୍କୁ ସରକାରୀ ଅଧିକାରୀ ଓ ଠିକା ସଂସ୍ଥା ଏକ ପ୍ରକାର ଅନ୍ଧାରରେ ରଖିଛନ୍ତି ।
କେବଳ ସେତିକି ନୁହଁ, ପୋଲ ନିର୍ମାଣ କାର୍ୟ୍ୟରେ ବ୍ୟବହାର ହେଉଥିବା ଚିପ୍ସ, ମେଟାଲ, ବାଲି ଅତି ନିମ୍ନ ମାନର ଓ କଂକ୍ରିଟରେ ସିମେଣ୍ଟ ଭାଗ ମାପ କମ ଦିଆ ଯାଉଛି। ବିଭାଗୀୟ ଅଧିକାରୀ କାମ ତଦାରଖ ପାଇଁ ଆସନ୍ତି ନାହିଁ। ଗ୍ରାମବାସୀ ଏନେଇ ବିଭାଗୀୟ ଅଧିକାରୀ ଙ୍କୁ ଅବଗତ କରିବାକୁ ଚାହିଁଲେ ମଧ୍ୟ କେଉଁ ବିଭାଗର କାର୍ୟ୍ୟ ଓ କାର୍ୟୟନିର୍ବାହୀ ଅଧିକାରୀ କିଏ ଜାଣି ପାରୁନାହାନ୍ତି। ତେବେ ନିର୍ମାଣ କାର୍ୟ୍ୟ ବେଳେ ନିମ୍ନମାନର ମେଟାଲ, ଚିପ୍ସ ଓ ବାଲି କାହିଁକି ବ୍ୟବହାର କରାଯାଉଛି ପ୍ରଶ୍ନ କରି ପ୍ରତିବାଦ କରିବାରୁ ଠିକାସଂସ୍ଥାର ସୁପର ଭାଇଜର ଗ୍ରାମ ବାସୀ ଙ୍କୁ ନାଲି ଆଖି ଦେଖାଇବା ସହିତ ଦୁର୍ବ୍ୟବହାର କରିଥିଲେ। ଯାହାକୁ ନେଇ ଗ୍ରାମବାସୀ ଓ ଠିକସଂସ୍ଥା ଭିତରେ ତୁତୁ ମେମେ ହୋଇ ଉତ୍ତେଜନା ପରିସ୍ଥିତି ଉପୁଜି ଥିଲା ।
ଏନେଇ ସୁବାସ ଚନ୍ଦ୍ର ଘୋଷ, ମିଟୁ ଦାସ, ବିଦ୍ୟାଧର ରଣା, ପ୍ରଦୀପ ମୂର୍ମୂ, ରବୀନ୍ଦ୍ର ବାରିକ୍, ସୁଶାନ୍ତ ବାରିକ୍, ପଞ୍ଚାନନ ଟୁଡୁ ପ୍ରମୁଖ ବିଭାଗୀୟ ଅଧିକାରୀ ଓ ଠିକାଦାରଙ୍କ ମଧୁ ଚନ୍ଦ୍ରିକା ପାଇଁ ଏଭଳି ନିମ୍ନ ମାନର କାର୍ୟ୍ୟ ହେଉଛି । ମୋଟା ଅଙ୍କର ପିସିପାଇ ସରକାରୀ ନୀତିନିୟମ କୁ ଫୁ କରିଦେଉଚନ୍ତି ବିଭାଗୀୟ ଅଧିକାରୀ ଓ ପ୍ରଶାସନିକ ଅଧିକାରୀ । ତେବେ ଯଦି ସଠିକ୍ ଭାଗ ମାପର ସିମେଣ୍ଟ ବ୍ୟବହାର କରାନଯାଏ ଓ ନିମ୍ନ ମାନର ଚିପ୍ସ, ମେଟାଲ ଓ ବାଲି ବ୍ୟବହାର କରାଯାଏ, ତେବେ ନିର୍ମାଣ କାର୍ୟ୍ୟ କୁ ଦୃଢ଼ ଭାବେ ବିରୋଧ କରାଯିବ ବୋଲି ଚେତାବନୀ ଦେଇଛନ୍ତି ଅଞ୍ଚଳବାସୀ । ଏନେଇ ବସ୍ତା ଗ୍ରାମ୍ୟ ଉନ୍ନୟନ ଓ ବିଭାଜନ ବିଭାଗର ସହକାରୀ ଯନ୍ତ୍ରୀ ସୁମିତ କୁମାର ମିଞ୍ଜ ଙ୍କୁ ପଚାରିବାରୁ ଏହା ତାଙ୍କ ବିଭାଗର କାର୍ୟ୍ୟ ଓ ଏହା ୧୯ ଲକ୍ଷ ଟଙ୍କାର ପ୍ରକଳ୍ପ ବୋଲି ସୂଚନା ଦେଇଥିଲେ। ମାତ୍ର ନିମ୍ନ ମାନର କାର୍ୟ୍ୟ ଓ ସୂଚନା ଫଳକ ବାବଦରେ ପଚାରିବାରୁ କୌଣସି ସନ୍ତୋଷ ଜନକ ଉତ୍ତର ଦେଇ ନଥିଲେ।
ଋିପୋର୍ଟ ଅଜିତ ସାହୁ, ବାଲେଶ୍ୱର ।
