କଣ୍ଟାବାଞ୍ଜି : ଅସଲି କନିଆଁକୁ ବାହା ହେବାକୁ ଆସିଛି ନକଲି ବର ।ସାଙ୍ଗରେ ଆଣିଛନ୍ତି ନକଲି ସୁନା ଗହଣା । ଏଭଳି ଜଣେ ନକଲି ବରକୁ କାବୁ କରି ଉତ୍ତମ ମଧ୍ୟମ ଦେଇଛନ୍ତି ଗ୍ରାମବାସୀ । ଏଭଳି ଘଟଣା ସାମ୍ନାକୁ ଆସିଛି ଟିଟିଲାଗଡ଼ ଉପଖଣ୍ଡ ଚାଉଳଶୁଖା ଗାଁରେ ।
ସୂଚନା ଅନୁଯାୟୀ, ନିଜକୁ କଳାହାଣ୍ଡି ଅଞ୍ଚଳର ସଞ୍ଜୟ ସାହୁ କହି ଚାଉଳସୁଖା ଗାଁର ଜଣେ ଝିଅ ସହ ବାହାଘର ସ୍ଥିର ହୋଇଥିଲା। ହେଲେ ଝିଅ ଘରକୁ ଅନ୍ୟ ଏକ ଗାଁ ଦେଖାଇବା ସହ ନକଲି ଘର ଦେଖାଇ ବିବାହ ପାଇଁ ଦିନ ଧାର୍ଯ୍ୟ ମଧ୍ୟ ହୋଇଥିଲା। ହେଲେ ବାବୁ ଜଣଙ୍କ ବାହା ଲଗ୍ନର ଚାରି ଘଣ୍ଟା ପରେ ଏକାକୀ ଆସିବା ସହ ବାଟରୁ ଜଣେ ପଣ୍ଡିତଙ୍କୁ ଉଠାଇ ଆଣିଥିଲେ। ବରଯାତ୍ରୀରେ କେବଳ ବରକୁ ଦେଖି ଗ୍ରାମବାସୀଙ୍କ ମନରେ ସନ୍ଦେହମାନ ଉପୁଜିଥିଲା । ଆଉ ପରିଚୟ ଖୋଜିବାରୁ ବାବୁଙ୍କ ନାମ ଲକ୍ଷ୍ମୀକାନ୍ତ ତିୱାରୀ ବୋଲି ଜଣା ପଡିବା ପରେ ଗ୍ରାମବାସୀମାନେ ଠକ ବରକୁ ଉତ୍ତମ ମଧ୍ୟମ ଦେଇଥିଲେ। ସେପଟେ ଖବର ପାଇ ଘଟଣାସ୍ଥଳରେ କଣ୍ଟାବାଞ୍ଜି ପୋଲିସ ପହଞ୍ଚିଥିବା ବେଳେ ଗ୍ରାମବାସୀମାନେ ଠକ ବର ସହ ପୋଲିସ ଗାଡିକୁ ମଧ୍ୟ ଅଟକ ରଖିଛନ୍ତି।
