ପୁରୀ : ବଳଙ୍ଗା ପୀଡିତାଙ୍କ ବୟାନକୁ ନେଇ ଅଡୁଆରେ ପୋଲିସ । ଭୁବନେଶ୍ୱର ଏମ୍ସ ଓ ଦିଲ୍ଲୀ ଏମ୍ସ ବୟାନ ଭିତରେ ଫରକ ସୂଚନା । ପୁଣି ଥରେ ମାଜିଷ୍ଟ୍ରେଟଙ୍କ ଉପସ୍ଥିତିରେ ହେବ ପୀଡିତାଙ୍କ ବୟାନ ରେକର୍ଡ । ପୀଡିତା ସୁସ୍ଥ ହେବା ପରେ ହିଁ ଘଟଣା ଉପରୁ ସସପେନ୍ସ ଉଠିବ । ଦିଲ୍ଲୀରୁ ଫେରିଥିବା କ୍ରାଇମବ୍ରାଞ୍ଚ ଟିମ ସହ ପୁରୀ ଏସପିଙ୍କ ଆଲୋଚନା । ବଳଙ୍ଗା ଥାନାରେ କ୍ରାଇମବ୍ରାଞ୍ଚ ଟିମ ସହ ଏସପିଙ୍କ ବିଚାରବିମର୍ଶ । ପୁରୀ ପୋଲିସକୁ ତଦନ୍ତରେ କ୍ରାଇମବ୍ରାଞ୍ଚ ନିଜ ଆଡୁ ସହଯୋଗ କରୁଛି ।
ତେବେ ୧୯ ତାରିଖରେ ବଳଙ୍ଗାରେ ନାବାଳିକାଙ୍କୁ କିରୋସିନ ଢାଳି ଜାଳିଦେବାକୁ ଉଦ୍ୟମ କରୁଥିବା ଘଟଣା ସାରା ରାଜ୍ୟକୁ ପୁଣି ଥରେ ଦୋହଲାଇ ଦେଇଥିଲା । କାରଣ ଏଫଏମ କଲେଜ ଛାତ୍ରୀ ସୈାମ୍ୟାଶ୍ରୀଙ୍କ ଆତ୍ମାହୁତି ଘଟଣାକୁ ୭ ଦିନ ପୁରିଥିବା ବେଳେ ଏଭଳି ଘଟଣାରେ ରାଜ୍ୟସରକାର ପୁଣି ଥରେ ବିରୋଧର ଶିକାର ହୋଇଥିଲେ । ତେବେ ପୀଡିତାଙ୍କର ବର୍ତ୍ତମାନ ଦିଲ୍ଲୀ ଏମ୍ସରେ ଚିକିତ୍ସା ଚାଲିଛି । ତାଙ୍କର ସ୍କ୍ରିନ ଟ୍ରାନ୍ସପ୍ଲାଣ୍ଟ ହୋଇଛି ।
