କେନ୍ଦ୍ରାପଡା, ଭିତର କନିକାରେ ଚାଲିଛି ମାଛ ମାଫିଆ ଓ ବନ ବିଭାଗର ଚାଲିଛି ମଧୁଚନ୍ଦ୍ରିକା । ଯାହାପାଇଁ ଜଙ୍ଗଲକୁ ସୁରକ୍ଷା ଦେଉôଥିବା ତାରଜାଲି କାଟି ବୋଟ୍ ଗୁଡିକ ଅବାଧ ପଶିବାର ଲାଗିଛି । ମାଫିଆ ମାନେ ବିଭିନ୍ନ ପ୍ରକାର ମାଛଧରା ଜାଲ ରଖି ମାଛ ଧରୁଥିବାର ଦୃଶ୍ୟ ସାମ୍ନାକୁ ଆସୁଥିବା ବେଳେ ବେଡ ଜାଲରେ ପଡୁଥିବା ଛୋଟ ଛୋଟ କୁମ୍ଭୀରଙ୍କୁ ମାରି ପୋତି ଦେଉଥିବା ମଧ୍ୟ ବିଭିନ୍ନ ସମୟରେ ଅଭିଯୋଗ ଆସିବାରେ ଲାଗିଛି । ଖାଲିସେତିକି ନୁହେଁ ଜଙ୍ଗଲ ଜମକୁ ରୋହିଙ୍ଗିଆ ବାଂଲାଦେଶୀମାନେ କବ୍ଚା କରିବା ସହ ଘର ଦ୍ୱାର ଓ ଦୋକାନ ଆଦି କରି ରହୁଥିବା ବେଳେ ବନ ବିଭାଗ ସେମାନଙ୍କୁ ହଟାଇବା ବଦଳରେ ପ୍ରିୟାପ୍ରିତି ତୋଷଣ ନୀତି ଆପଣାଉଥିବା ଅଭିଯୋଗ ହେଉଛି ।
ସବୁଠାରୁ ବଡ କଥା ଯେ ସେମାନଙ୍କ ପରିବାରରୁ ବିଭାଗ ଡ୍ରାଇଭର ନିଯୁକ୍ତି ଦେଇଥିବାର ଘଟଣା ମଧ୍ୟ ଆସିଛି ସମ୍ନାକୁ । ସେପଟେ ମାଛମାଫିଆ ମାନେ ନିଷିଦ୍ଧାଞ୍ଚଳରେ ପଶି ଲକ୍ଷଲକ୍ଷ ଟଙ୍କାର ମାଛମାରି ମାଲାମାଲ ହେଉଥିବା ବେଳେ ମାଛ ଅଭାବରୁ କମ୍ଭୀର ମାନଙ୍କ ପାଇଁ ଖାଦ୍ୟ ହେଉଛି ଅଭାବ । ଯାହା ଫଳରେ କୁମ୍ଭୀର ମାନେ ଭିତରକନିକା ଛାଡି ବାହାରକୁ ବାହାରି ଧନଜୀବନ ନଷ୍ଟ କରୁଥିବା ଦେଖାଯାଉଛି । ଅନ୍ୟପଟେ ବନ ବିଭାଗର ବଡବଡିଆ ବାବୁ ଓ ମାଛ ମାଫିଆଙ୍କ ମେଳିରେ ଭିତର କନିକା ତାର ଗାରିମା ହରାଇବାକୁ ବସିଥିବା ସ୍ଥାନୀୟ ଲୋକେ କ୍ଷୋଭର ସହ କୁହନ୍ତି । ଗୋଟିଏ ପଟେ ଭିତରକନିକାରେ ବନ୍ୟପ୍ରାଣୀ ଏବେ ବିପଦରେ ଥିବା ଦେଖାଯାଉଥିବା ବେଳେ ମାଛମାଫିଆ ମାନଙ୍କ ସହ ବନ ବିଭାଗୀୟ ବାବୁ ମାନଙ୍କ ଅସାଧୁ ମେଳି ଏବେ ହାଟରେ ପଡି ଦାଣ୍ଡରେ ଗଡୁଛି ।
କେତୋଟି ନିର୍ଦ୍ଧଷ୍ଟ ଆଗଧାଡିର ଗଣମାଧ୍ୟମକୁ ଢାଲ କରି ବିଭାଗ ନିଜେ ନିଜର ‘ଗୁହ’ରେ ବାଲି ଘୋଡାଇ ବାଃ ବାଃ ନେଉଥିବା ଭଳି ଚର୍ଚ୍ଚା ହେଉଛି । ତେବେ ବିଭାଗର ଏଭଳି କାର୍ଯ୍ୟକୁ ନେଇ ଅଞ୍ଚଳରେ ତୀବ୍ର ଅସନ୍ତୋଷ ପ୍ରକାଶ ପାଇବା ସହ ତାଳଚୁଆ ଓ ରାଜନଗରର ଅଧିବାସୀ ମାନେ ବନକର୍ମଚାରୀ ଓ ମାଛମାଫିଆଙ୍କ ଚାଲିଥିବା ମେଳି ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଭୁବନେଶ୍ୱର ସ୍ଥିତ ବନ୍ୟପ୍ରାଣୀ ମୁଖ୍ୟ କାର୍ଯ୍ୟାଳୟ ଠାରେ ମୁଖ୍ୟ ବନ ସଂରକ୍ଷକ ବିକାଶ କୁମାର ଦାସଙ୍କ ଠାରେ ଲିଖିତ ଦାବିପତ୍ର ଦେଇଥିବା ଦେଖାଯାଇଛି । ଦାବିପତ୍ର ଗ୍ରହଣ କରି କାର୍ଯ୍ୟାନୁଷ୍ଠାନ ପାଇଁ ପୁର୍ଣ୍ଣ ପ୍ରତିଶୃତି ମିଳିଥରଲେ ସୁଦ୍ଧା ତାହା କେବଳ ପ୍ରତିଶୃତିରେ ହିଁ ରହିଯାଇଛି କହିଛନ୍ତି ଅଞ୍ଚଳବାସୀ । ଅଭିଯୋଗ ଗ୍ରହଣ କରିବାର ମାସେ ପୁରିଥିଲେ ସୁଦ୍ଧା ନିଆଯାଇନି କୌଣସି କାର୍ଯ୍ୟାନୁଷ୍ଠାନ । ଯାହାକି ମୁଖ୍ୟ ବନ ସଂରକ୍ଷକ ଶ୍ରୀ ଦାସଙ୍କ କାର୍ଯ୍ୟକଳାପକୁ ନେଇ ପ୍ରଶ୍ନ ଉଠିବାରେ ଲାଗିଛି ।
ସେପଟେ ଯଦି କାର୍ଯ୍ୟାନୁଷ୍ଠାନ ଗ୍ରହଣ କରାଯାଏ ତେବେ ବିଭାଗୀୟ ବହୁ ବଡ ପଣ୍ଡାମାନଙ୍କ କାଳେ ମୁଖା ଖୋଲିଯିବ, ସେଥିପାଇଁ ଚୁପ୍ ରହିଗଲେ କି ବିଭାଗୀୟ ବଡ ବାବୁ ବୋଲି ପ୍ରଶ୍ନ କରୁଛନ୍ତି ସ୍ଥାନୀୟ ବାସିନ୍ଦା । ଅନ୍ୟପଟେ ଘଟଣା ଅଭିଯୋଗକୁ ମାସେ ବିତିଥିବା ବେଳେ କାହିଁକି ବିଭାଗ ଚୁପ୍ ରହିଛି ତାହାକୁ ନେଇ ଉଠିଛି ପ୍ରଶ୍ନ ? ଯଦି ଏଭଳି ଭାବେ ରୋହିଙ୍ଗିଆ ବାଂଲାଦେଶୀଙ୍କ ଅବାଧ ପ୍ରବେଶ ଲାଗିରହେ ଓ ନିଷିଦ୍ଧାଞ୍ଚଳରେ ମାଛଧରା ଉପରେ ଲଗାମ ନଲାଗେ ତେବେ ଭିତରକନିକା ଆଗକୁ ତାର ସ୍ଥିତି ହରାଇବ ବୋଲି ପରିବେଶବିତ୍ ମାନେ ମତ ଦିଅନ୍ତି ।
