ନୂଆଦିଲ୍ଲୀ : ପ୍ୟାରିସରେ ପ୍ରଧାନମନ୍ତ୍ରୀ ମୋଦି । ୪ ଦିନିଆ ଫ୍ରାନ୍ସ ଓ ଆମେରିକା ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ । ଗତକାଲି ପ୍ରଧାନମନ୍ତ୍ରୀ ଫ୍ରାନ୍ସର ରାଜଧାନୀ ପ୍ୟାରିସରେ ପହଞ୍ଚିଛନ୍ତି । ତାଙ୍କୁ ସେଠାକାର ଓର୍ଲି ବିମାନବନ୍ଦରରେ ଜୋରଦାର ସ୍ବାଗତ କରିଛନ୍ତି ପ୍ରବାସୀ ଭାରତୀୟ । ପ୍ରଧାନମନ୍ତ୍ରୀ ସେମାନଙ୍କ ନିକଟକୁ ଯାଇ ହାତ ମିଳାଇଥିଲେ । ରାତିରେ ରାଷ୍ଟ୍ରପତି ମାକ୍ରନଙ୍କ ସହ ଡିନର ପାର୍ଟିରେ ସାମିଲ ହୋଇଥିଲେ । ଏଥିରେ ଅନ୍ୟ ଦେଶର ଶୀର୍ଷ ନେତା ବି ଯୋଗଦେଇଥିଲେ । ଫ୍ରାନ୍ସର ପ୍ରିସଦ୍ଧ ଏଲିସି ପ୍ୟାଲେସରେ ଡିନର କାର୍ୟ୍ୟକ୍ରମ ହୋଇଥିଲା । ଆଜି ଏଆଇ ଆକ୍ସନ ସମିଟ-୨୦୨୫ରେ ରେ ରାଷ୍ଟ୍ରପତି ଇମାନୁଏଲ ମାକ୍ରନଙ୍କ ସହିତ ମିଶି ମୋଦି ସହ ଅଧ୍ୟକ୍ଷତା କରିବେ । ମାକ୍ରନଙ୍କ ସହ ଦ୍ବିପାକ୍ଷିକ ବୈଠକରେ ବି ଯୋଗଦେବେ । ସମ୍ମିଳନୀରେ ଆମେରିକା ଉପରାଷ୍ଟ୍ରପତି ଜେଡି ଭାନ୍ସ ଓ ଚୀନର ଉପପ୍ରଧାନମନ୍ତ୍ରୀ ବି ଯୋଗଦେବେ । ଏହା ମୋଦିଙ୍କ ସପ୍ତମ ଫ୍ରାନ୍ସ ଗସ୍ତ । ଏହାପରେ ଆସନ୍ତାକାଲି ସେ ଆମେରିକା ଗସ୍ତ କରି ୱାସିଂଟନ ଡିସିରେ ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଭେଟିବେ ଏବଂ ତାଙ୍କର ଆମେରିକା ଗସ୍ତ ଭାରତ-ଆମେରିକା ବନ୍ଧୁତାକୁ ଆହୁରି ସୁଦୃଢ଼ କରିବ ।
