ବସ୍ତା ବ୍ଲକ ପତ୍ରଝଡ଼ା ପଞ୍ଚାୟତରେ ଆବର୍ଜନାକୁଣ୍ଡ ନିର୍ମାଣ କୁ ନେଇ ଗ୍ରାମରେ ତେଜୁଛି ଅସନ୍ତୋଷ । ଏଠାରେ ସୂଚନା ଥାଉକି ପଞ୍ଚାୟତର ବିଭିନ୍ନ ୱାର୍ଡ ରେ ତରବରିଆ ଭାବେ ଆବର୍ଜ୍ଜନା କୁଣ୍ଡ ନିର୍ମାଣ ହେଉଛି । ତେବେ ଆବର୍ଜ୍ଜନା କୁଣ୍ଡ ନିର୍ମାଣ ବାବଦରେ କୌଣସି ବୈଠକ, କିମ୍ବା ସ୍ଥାନ ନିରୂପଣ, କେଉଁ ଯୋଜନାରେ ରେ କେଉଁ ବିଭାଗ ନିର୍ମାଣ କରିବ, ଏହାପାଇଁ କଣ ନୀତିନିୟମ ରହିଛି, ଏହାର ଅଟକଳ ମୂଲ୍ୟ କେତେ ରହିଛି । ଏ ବାବଦରେ ଗ୍ରାମବାସୀ କିମ୍ବା ୱାର୍ଡ ସଭ୍ୟ ସଭ୍ୟା ଜାଣି ନାହାନ୍ତି। ମାତ୍ର ପଞ୍ଚାୟତର ଅନେକ ସ୍ଥାନରେ ଆବର୍ଜ୍ଜନା କୁଣ୍ଡ ନିର୍ମାଣ ହେଉଛି , ଯାହାର ମାପ ଓ ମାନକୁ ନେଇ ପ୍ରଶ୍ନ ଉଠିଛି।
ଏନେଇ ୱାର୍ଡ ସଭ୍ୟ ଓ ସଭ୍ୟା ,ଗ୍ରାମବାସୀ ମିଳିତ ଭାବେ ବସ୍ତା ବିଡିଓଙ୍କ ନିକଟରେ ଲିଖିତ ଅଭିଯୋଗ କରି, ବିହିତ୍ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ଅନ୍ୟପଟେ ସରପଞ୍ଚ ଙ୍କୁ ମୋବାଇଲ ଯୋଗେ ଯୋଗାଯୋଗ କରିଥିଲେବି, କୌଣସି ପ୍ରତିକ୍ରିୟା ମିଳି ପାରି ନଥିଲା । ତେବେ ବିଡିଓ ଜ୍ଞାନ ରଞ୍ଜନ ସାହୁ ଆବର୍ଜ୍ଜନା କୁଣ୍ଡ ନିର୍ମାଣ ପାଇଁ ବ୍ଲକ ତରଫରୁ କାହାକୁ କାର୍ଯ୍ୟାଦେଶ ଦିଆ ଯାଇନାହିଁ ବୋଲି ସ୍ପଷ୍ଟ ସୂଚନା ଦେଇଛନ୍ତି। ତେବେ ପ୍ରଶାସନ ଅଜାଣତରେ ,କାହାର ଇସାରରେ ଆବର୍ଜନା କୁଣ୍ଡ ନିର୍ମାଣ ହେଉଛି, ତାହାକୁ ନେଇ ଉଠୁଛି ବଡ ପ୍ରଶ୍ନ।
ବସ୍ତାରୁ ଅଜିତ୍ କୁମାର ସାହୁ (ଶପଥ ନିୟୂଜ୍)
