ଭୁବନେଶ୍ୱର : ପ୍ରବଳ ବର୍ଷା ନେଇ ୫ ରାଜ୍ୟକୁ ରେଡ ଆଲର୍ଟ । ଓଡିଶା, ପଶ୍ଚିମବଙ୍ଗ , ଝାଡଖଣ୍ଡକୁ ରେଡ ଆଲର୍ଟ । ଆସାମ ଓ ମେଘାଳୟକୁ ବି ରେଡ ଆଲର୍ଟ ଜାରି । ସୁସ୍ପଷ୍ଟ ଲଘୁଚାପ ପ୍ରଭାବରେ ପ୍ରବଳ ବର୍ଷା ନେଇ ଆଲର୍ଟ । ପଶ୍ଚିମ ଭାଗରେ ସକ୍ରିୟ ଲଘୁଚାପ ଏବଂ ପୂର୍ଵ ଭାଗରେ ସକ୍ରିୟ ସୁସ୍ପଷ୍ଟ ଲଘୁଚାପ କ୍ଷେତ୍ର ପ୍ରଭାବରେ ବିଭିନ୍ନ ରାଜ୍ୟକୁ ପାଣିପାଗ ବିଭାଗ ପକ୍ଷରୁ ସତର୍କ ସୂଚନା ଜାରି କରାଯାଇଛି। ଇତି ମଧ୍ୟରେ ମୌସୁମୀ ବାୟୁ ଗୁଜୁରାଟରେ ପ୍ରବେଶ କରିଛି। କିନ୍ତୁ ଦୁଇ ଦିନ ଧରି ଚାଲିଥିବା ପ୍ରବଳ ବର୍ଷାର ତୀବ୍ରତା ଏବେ ହ୍ରାସ ପାଇବ, କାରଣ ଲଘୁଚାପ କ୍ଷେତ୍ର ଉତ୍ତର-ପଶ୍ଚିମ ଆଡକୁ ଗତି କରିବା ଆରମ୍ଭ କରିଛି। ମଙ୍ଗଳବାର ଅପରାହ୍ନରେ ଦିଲ୍ଲୀରେ ପ୍ରବଳ ପ୍ରାକ୍ ମୌସୁମୀ ବର୍ଷା ଗରମ ହ୍ରାସ କରିଥିଲା। ପ୍ରବଳ ପବନ ସହିତ ବର୍ଷା ଆର୍ଦ୍ରତା ହ୍ରାସ କରିବା ସହିତ ତାପମାତ୍ରା ମଧ୍ୟ ହ୍ରାସ କରିଥିଲା।
