ମାଲକାନଗିରି : ପୋଲିସ ଗୁଳିରେ ଟଳିପଡିଲେ ୧୦ ମାଓବାଦୀ । ଛତିଶଗଡ ସୁକମା ଜିଲ୍ଲା ଭେଜି ଜଙ୍ଗଲରେ ପୋଲିସର ଏନକାଉଣ୍ଟର । ଘଟଣାସ୍ଥଳରୁ ଇନସାସ, ଏକେ-୪୭, ଏସଏଲଆର, ୩ଟି ବନ୍ଧୁକ ଓ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ମାଓ ସାମଗ୍ରୀ ଜବତ । ଡିଆରଜି ଯବାନଙ୍କ ଅପରେସନ ବେଳେ ଏହି ସଫଳତା ମିଳିଛି । ଏ ନେଇ ସୂଚନା ଦେଇଛନ୍ତି ବସ୍ତର ଆଇଜି ପି. ସୁନ୍ଦରାଜ । ଆଜି ସକାଳୁ ଚାଲିଥିଲା ସର୍ଚ୍ଚ ଅପରେସନ । ଉଭୟ ପକ୍ଷ ମଧ୍ୟରେ ହୋଇଥିଲା ଗୁଳିବିନିମୟ ।
ମାଓ ଅପରେସନରେ ନୂଆପଡା ଜିଲ୍ଲାର ୫ଟି ଏସଓଜି ଟିମ ସହ ନବରଙ୍ଗପୁର ଏବଂ ପଡୋଶୀ ଛତିଶଗଡର ଯବାନମାନେ ସାମିଲ ଥିଲେ । ଛତିଶଗଡ ଝରିଆବନ୍ଧ ଜିଲ୍ଲା ଯୁଗାଡ ଥାନା କୁମକୁଟ ଓ ଦେବଝର ଜଙ୍ଗଲରେ ଟପ ମାଓ ନେତା ମାନେ ବଡ ଧରଣର ଅଘଟଣ ଘଟାଇବା ପାଇଁ ଯୋଜନା କରୁଥିଲେ । ଏ ନେଇ ଗୁଇନ୍ଦା ବିଭାଗ ପକ୍ଷରୁ ଖବର ପାଇବା ପରେ ସେହି ଅଂଚଳରେ ୨ ରାଜ୍ୟର ପୋଲିସ ବିଭାଗ ପକ୍ଷରୁ ମିଳିତ ଭାବେ କୁମ୍ବିଂ ଅପରେସନ କରାଯାଇଥିଲା ।
