ଭୋଗରାଇ : ପୋଖରୀରୁ ମିଳିଲା ନିଖୋଜ ବୃଦ୍ଧାଙ୍କ ମୃତଦେହ । ପୋଖରୀରେ ପଡି ବୃଦ୍ଧାଙ୍କ ମୃତ୍ୟୁ । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲାର ବାଲିଆପାଳ ଥାନା ଅଧୀନ ପ୍ରତାପପୁର ଗ୍ରାମରେ । ମୃତକ ପଞ୍ଚୁରୁଖି ଗ୍ରାମର ପୂର୍ଣ୍ଣଚନ୍ଦ୍ର ମଣ୍ଡଳଙ୍କ ସ୍ତ୍ରୀ ପାର୍ବତୀ ମଣ୍ଡଳ ବୋଲି ଜଣାପଡିଛି ।ସୂଚନା ଅନୁଯାୟୀ, ପାର୍ବତୀ ମଣ୍ଡଳ ପ୍ରତାପପୁର ଗ୍ରାମରେ ନିଜ ଝିଅଙ୍କ ଶାଶୁଘରକୁ ଆଠମାସ ତଳୁ ଆସିଥିଲେ । ହେଲେ ଶନିବାର ବିଳମ୍ବିତ ରାତିରୁ ସେ କେଉଁଆଡେ ନିଖୋଜ ଥିଲେ । ଗ୍ରାମବାସୀ ଓ ପରିବାରଲୋକେ ବହୁ ଖୋଜାଖୋଜି କରିଥିଲେ । କିନ୍ତୁ ପାର୍ବତୀଙ୍କ କୌଣସି ପତ୍ତାମିଳିନଥିଲା ।ତେବେ ଶେଷରେ ଝିଅ ଶାଶୁ ଘର ଠାରୁ ମାତ ୨ ଶହ ମିଟରେ ଦୂରରେ ଥିବା ଏକ ପୋଖରୀରେ ତାଙ୍କ ମୃତଦେହ ଭାସୁଥିବାର ଦେଖିବାକୁ ମିଳିଥିଲା । ତାଙ୍କୁ ତୁରନ୍ତ ପୋଖରୀରୁ ଉଦ୍ଧାର କରି ନିକଟସ୍ଥ ମେଡିକାଲକୁ ନିଆଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ବୋଲ ଘୋଷଣା କରିଛନ୍ତି ।
