ପୃଥିବୀକୁ ବଡ ବିପଦ । ମାଡି ଆସୁଛି ବିରାଟ ଗ୍ରହାଣୁ । ଯାହାର ଆକାର କୁତବ ମିନାରଠୁ ପ୍ରାୟ ସାଢେ ୩ ଗୁଣ ବଡ ହେବ ।ଯେଉଁଥିପାଇଁ ବୈଜ୍ଞାନିକମାନେ ଚିନ୍ତାରେ ପଡିଛନ୍ତି ।ଏହି ଗ୍ରହାଣ ହେଉଛି ୨୦୦୭ ଏଫଏଫ୧ । ଏହା ପୃଥିବୀଠୁ ୭୪୨୩୦୪୬ କିମି ଦେଇ ଅତିକ୍ରମ କରିବ । ଏହା ଏବେ ଘଣ୍ଟା ପ୍ରତି ୪୬୧୮୮ କିମି ବେଗରେ ଗତି କରୁଛି । ଜେଟ୍ ପ୍ରପ୍ୟୁଲଜନ୍ ଲାବାରାଟୋରୀର ରିପୋର୍ଟ ଅନୁସାରେ, ଏହା ଶେଷ ଥର ପାଇଁ ୨୦୨୦ରେ ପୃଥିବୀର ନିକଟତର ହୋଇଥିଲା । ସେତେବେଳେ ତାହା ୧୭୩୪୨୮୮୧ କିମି ଦୂରରେ ଅତିକ୍ରମ କରିଥିଲା ।
ସୂଚନାଯୋଗ୍ୟ, ଗ୍ରହାଣୁମାନେ ୪.୬ ବିଲିୟନ ବର୍ଷ ତଳେ ସୃଷ୍ଟି ହୋଇଥିଲେ । ସେବେ ପୃଥିବୀ ସମେତ ଅନ୍ୟ ଗ୍ରହର ମଧ୍ୟ ସୃଷ୍ଟି ହୋଇଥିଲା । ତେବେ ଆଗକୁ ଆସୁଥିବା ୨୦୦୭ ଏଫଏଫ୧ ଗ୍ରହାଣୁ ପୃଥିବୀରେ ମାଡ ହେବା ସମ୍ଭାବନା କମ୍ ରହିଛି । ଏହାପୂର୍ବରୁ ମାତ୍ର ୨ ମିଟରର ଏକ ଗ୍ରହାଣୁ ପୃଥିବୀର ନିକଟତର ହୋଇଥିଲା । ଏହା ନରଓ୍ୱେର ଆକାଶରେ ଦେଖିବାକୁ ମିଳିଥିଲା ।
