ପୁରୀ : ପୁରୀରେ ନକଲି ମହାପ୍ରସାଦ ବିକ୍ରି ଅଭିଯୋଗ । ଲୋକନାଥ ରୋଡ ପାଇକ ସାହିରେ ନକଲି ମହାପ୍ରସାଦ ବିକ୍ରି । ଏକ ପରିତ୍ୟକ୍ତ ସ୍ଥାନରେ ରୋଷେଇ କରାଯାଇ ବିକ୍ରି ଅଭିଯୋଗ । ମହାପ୍ରଭୁଙ୍କ ନୀତିକାନ୍ତି ଚାଲୁଥିବାରୁ ମହାପ୍ରସାଦ ମିଳିବାରେ ବିଳମ୍ବ ହେଉଛି । ଏହାର ସୁଯୋଗ ନେଇ ନକଲି ମହାପ୍ରସାଦ ବିକ୍ରି ହେଉଥିବା ଅଭିଯୋଗ ।
ଅଭିଯୋଗ ଅନୁସାରେ, ବାହାରେ ରୋଷେଇ କରାଯାଇ ମହାପ୍ରସାଦ କହି ବିକ୍ରି ହୋଇଛି । ଏନେଇ ଶ୍ରୀମନ୍ଦିର ପରିଚାଳନା କମିଟିର ଜଣେ ସଦସ୍ୟ କହିଛନ୍ତି, ଏପରି କରି ମହାପ୍ରଭୁଙ୍କ ଭକ୍ତଙ୍କ ଭାବନା ପ୍ରତି ଖେଳାଯାଇଛି । ସାମାନ୍ୟ ଅର୍ଥ ଲୋଭ ପାଇଁ ଆମର ସଂସ୍କୃତିକୁ ନଷ୍ଟ କରାଯାଇଛି । ଏପରି କାର୍ୟ୍ୟ ଯେପରି ଆଗକୁ ନହୁଏ ସେ ଦିଗରେ ଦୃଷ୍ଟି ଦେବାର ଆବଶ୍ୟକତା ରହିଛି ।
