ନୂଆଦିଲ୍ଲୀ : ଆମ୍ ଆଦମୀ ପାର୍ଟିକୁ ବଡ ଝଟକା ଲାଗିଛି । ନିର୍ବାଚନ ଭିତରେ ଆପର ମୁଖ୍ୟମନ୍ତ୍ରୀ ଜେଲରେ । ପୁଣି ଦଳର ବରିଷ୍ଠ ନେତା ତଥା ଦିଲ୍ଲୀ ସରକାରର ପୂର୍ବତନ ଉପ ମୁଖ୍ୟମନ୍ତ୍ରୀ ମନୀଷ ସିଶୋଦିଆଙ୍କ ଜାମିନ ଆବେଦନକୁ ରାୱଜ ଏଭିନ୍ୟୁ କୋର୍ଟ ଦ୍ୱିତୀୟଥର ପାଇଁ ଖାରଜ କରିଦେଇଛନ୍ତି । ସୂଚନା ଥାଉ କି, ଦିଲ୍ଲୀ ଅବକାରୀ ନୀତି ମାମଲାରେ ଜେଲରେ ଥିବା ମନୀଷ ସିଶୋଦିଆଙ୍କ ଜାମିନ ଆବେଦନ ଉପରେ ଶୂୁଣାଣି କରି କୋର୍ଟ ରାୟ ସଂରକ୍ଷିତ ରଖିଥିଲେ । ରାୱଜ ଏଭିନ୍ୟୁ କୋର୍ଟର ବିଚାରପତି ଜଷ୍ଟିସ କାବେରୀ ବାବେଜାଙ୍କ ସାମ୍ନାରେ ସିବିଆଇ କହିଥିଲା କି, ଦିଲ୍ଲି ଅବକାରୀନୀତି ମାମଲାରେ ମୁଖ୍ୟ ଅପରାଧୀ ହେଉଛନ୍ତି ମନୀଷ ସିସୋଦିଆ । ତେଣୁ ତାଙ୍କୁ ଜାମିନ ଦେବା ଉଚିତ୍ ନୁହେଁ ।
Views: 35