ପୁଣି ବାଛୁରୀ ମାରି ଖାଇଲା ବାଘ

ନୂଆପଡା : ପୁଣି ଗୁହାଳରେ ପଶି ବାଛୁରି ଖାଇଲା କଲରାପତରିଆ । କୋମନା ରେଞ୍ଜ ବେଲରଦନା ଗାଁରେ ବାଛୁରିକୁ ମାରି ଖାଇଲା ବାଘ । ସକାଳେ ଗୁହାଳରେ ବାଛୁରିକୁ ଖାଇଥିବା ଗାଁ ଲୋକେ ଦେଖିଲେ । ଖବର ପାଇ ଗାଁରେ ପହଁଚିଲେ ସ୍ଥାନୀୟ ବନ କର୍ମଚାରୀ ।
ଏହା ପୂର୍ବରୁ ମଧ୍ୟ ବାଘ ବାଛୁରି ଖାଇଥିବାର ସୂଚନା ରହିଛି । ଅନେକାଂଶରେ ବାଘ ଓ ହାତୀ ଜଙ୍ଗଲ ଛାଡି ଜନବସତି ମୁହାଁ ହେଉଛନ୍ତି । ଯାହା ଫଳରେ ଲୋକମାନେ ଭୟଭୀତ ହୋଇ ରହୁଛନ୍ତି । କେତେବେଳେ ହାତୀ ଘର ଦ୍ୱାର ଭାଙ୍ଗି ଲୋକଙ୍କୁ ମାରିଲାଣି ତ ଆଉ କେତେବେଳେ ବାଘ ଗାଁରେ ପଶିଲାଣି । ତେଣୁ ଏ ନେଇ ବନ ବିଭାଗ ପଦକ୍ଷେପ ନେବାକୁ ବାରମ୍ବାର ଦାବି କରାଯାଉଛି ।