ନୂଆଦିଲ୍ଲୀ : ରାଷ୍ଟ୍ରପତି ପୁଟିନଙ୍କ ବାସଭବନ ଉପରେ ୟୁକ୍ରେନ ପକ୍ଷରୁ ଆକ୍ରମଣ । ଲଙ୍ଗ ରେଞ୍ଜ ଡ୍ରୋନ ଜରିଆରେ ଆକ୍ରମଣ ଉଦ୍ୟମ । ଆକ୍ରମଣର କଡା ଜବାବ ନେଇ ରୁଷିଆ ପକ୍ଷରୁ ଚେତାବନୀ । ଆକ୍ରମଣ ଉଦ୍ୟମକୁ ନିନ୍ଦା କଲେ ପ୍ରଧାନମନ୍ତ୍ରୀ ମୋଦି । ଆମେରିକା ରାଷ୍ଟ୍ରପତି ଟ୍ରମ୍ପ ମଧ୍ୟ କ୍ଷୁବ୍ଧ ବୋଲି ଜଣାଇଲେ । ରୁଷିଆ-ୟୁକ୍ରେନ ଶାନ୍ତି ପ୍ରତିଷ୍ଠାରେ ବାଧା ସୃଷ୍ଟି କରିବ କହିଲେ । ପୁଟିନ କହିଛନ୍ତି, ୟୁକ୍ରେନ୍ ତାଙ୍କ ଏକ ସରକାରୀ ବାସଭବନ ଉପରେ ଡ୍ରୋନ୍ ଆକ୍ରମଣ କରିଛି । ରୁଷ ୯୧ଟି ୟୁକ୍ରେନୀୟ ଡ୍ରୋନକୁ ନଷ୍ଟ କରିଥିବା କହିଛି ରୁଷ । ଏହାକୁ ରାଷ୍ଟ୍ରୀୟ ଆତଙ୍କବାଦ ବୋଲି କହିବା ସହ ଶାନ୍ତି ଆଲୋଚନାରେ ଏହା ବାଧା ସୃଷ୍ଟି କରିବ ବୋଲି ଚେତାବନୀ ଦେଇଛି । ପୁଟିନଙ୍କ ଫୋନ୍ ପାଇବା ପରେ କହିଛନ୍ତି, ଯୁଦ୍ଧ କରିବା ଅଲଗା କଥା । କିନ୍ତୁ କାହାର ଘର ଉପରେ ଆକ୍ରମଣ କରିବା ଆଦୌ ଗ୍ରହଣୀୟ ନୁହେଁ । ତେବେ ଏହି ଆକ୍ରମଣ ପ୍ରକୃତରେ ହୋଇଛି କି ନାହିଁ ସେ ନେଇ ଟ୍ରମ୍ପ ସନ୍ଦେହ ପ୍ରକାଶ କରିଥିଲେ ମଧ୍ୟ ପୁଟିନ ଏହା ସତ୍ୟ ବୋଲି ତାଙ୍କୁ କହିଛନ୍ତି ।
