ଭୁବନେଶ୍ୱର : ବିଭିନ୍ନ କମିଟି ଓ ପିଏସିିରୁ ବାଦ ପଡିବା ପରେ ଭୂପିନ୍ଦରଙ୍କ ସିଂଙ୍କ ବିସ୍ଫୋରଣ । କାହିଁକି ବାଦ ପଡିଲି ଯେଉଁମାନେ ଦାୟିତ୍ୱରେ ଅଛନ୍ତି ସେମାନେ ଜାଣିଥିବେ । ମୁଁ ସବୁବେଳେ ଖୁସି, ଲୋକଙ୍କ ଆଶୀର୍ବାଦ ସବୁବେଳେ ମୋ ପାଖେ ଅଛି । ବିଧାୟକ ନ ଥିଲେ ବି ଅଧିକ ସମ୍ମାନ ପାଉଛି । ମୁନା ଖାନ ନିଜ ପଦକୁ ନେଇ ଖୁସି ନାହାନ୍ତି ବୋଲି ମିଡିଆରୁ ଶୁଣିଲି । ଆହୁରି ବି ନେତା ପଦ ପାଇଲା ପରେ ବି ଅସନ୍ତୁଷ୍ଟ ଥିବା ମୋ ପାଖରେ ଖବର ଅଛି । ଲୋକଙ୍କ ଧାରଣା, ବିଜେଡିରେ ବିଶେଷ କିଛି ଢାଞ୍ଚାଗତ ପରିବର୍ତ୍ତନ ହୋଇନି । ଯଦି ଏହା ଉପରେ ବିଚାର ନ କରାଯାଏ ଆଗକୁ ଦଳ ପାଇଁ ଠିକ ହେବନି । ବିଜେଡି ଦୃଢ ବିରୋଧୀ ଦଳ ହୋଇ ପାରୁନି ବୋଲି ଲୋକଙ୍କ ଭିତରେ ଚର୍ଚ୍ଚା । ବିଜେପି ସାଙ୍ଗରେ ବିଜେଡି ସବୁବେଳେ ସଫ୍ଟଲାଇରେ ରୁହେ ।ଚର୍ଚ୍ଚା ବି ହେଉଛି, ସାଧାରଣ ନିର୍ବାଚନରେ ବିଜେପିକୁ ସାହାଯ୍ୟ କରିଥିଲା ବିଜେଡି । ଚର୍ଚ୍ଚାକୁ ଯଦି ଆମେ ମିଛ ଭାବିବା ତାହେଲେ ଫଳ କିଛି ମିଳିବନି ।
ଏବେ ଆଇପିଏଲ ଚାଲିଛି , ଭଲ ପ୍ଲେୟାରଙ୍କ ସମସ୍ତେ ନେବାକୁ ଚାହିଁବେ । ମୁଁ ଗୋଟେ ଭଲ ପ୍ଲେୟାର, ମୋ ପାଖରେ ସମର୍ଥନ ଅଛି । ଏବେ ମୋତେ କଂଗ୍ରେସର ଅଫର ଆସିଲାଣି । ୨୪ ନିର୍ବାଚନରେ ବିଜେପି ଅଫର ଦେଇଥିଲା, ଏବେବି ଦେଉଛନ୍ତି । କଳାହାଣ୍ଡିରେ କଂଗ୍ରେସକୁ ଆମେ ମଜବୁତ କରିଛୁ । କଂଗ୍ରେସ ଯାଉଛନ୍ତି କି ପ୍ରଶ୍ନରେ କହିଲେ ଭବିଷ୍ୟତକୁ କାହିଁକି ଯାଉଛ ।
