ଭଦ୍ରକ : ଦିନକରେ ମିଳେଇଲା ମାଟ୍ରିକ ଖୁସି । କାଲି ମାଟ୍ରିକରେ ୮୬% ରଖିଥିଲେ , ଆଜି ଚାଲିଗଲା ଜୀବନ । ଗାଁ ପୋଖରୀରେ ବୁଡି କାଲି ମାଟ୍ରିକ ପାସ କରିଥିବା ଛାତ୍ରଙ୍କ ମୃତ୍ୟୁ । ଚରମ୍ଫା ପଞ୍ଚାୟତ ଶ୍ରୀରାମପୁର ଗାଁରେ ଅଭାବନୀୟ ଘଟଣା । ଶ୍ରୀରାମପୁର ଗାଁର ରମେଶ ମହାପାତ୍ରଙ୍କ ପୁଅ ଚନ୍ଦନ ମହାପାତ୍ରଙ୍କ ପୋଖରୀରେ ବୁଡି ମୃତ୍ୟୁ ହୋଇଛି । ଗାଧୋଇବା ବେଳେ ଛାତ୍ର ଜଣଙ୍କ ପୋଖରୀରେ ବୁଡି ଯାଇଥିଲେ । କାଲି ପ୍ରକାଶିତ ମାଟ୍ରିକ ରେଜଲ୍ଟରେ ୫୧୯ ମାର୍କ ରଖିଥିଲେ । ଗତକାଲି ମାଟ୍ରିକ୍ ପରୀକ୍ଷାରେ ୬୦୦ରୁ ୫୧୯ ମାର୍କ ରଖି ଉତୀର୍ଣ୍ଣ ହୋଇଥିଲେ । ଏହାକୁ ନେଇ ପରିବାରରେ ହସଖୁସିର ମାହୋଲ ଥିଲା । କିନ୍ତୁ ଆଜି ଘର ପାଖ ପୋଖରୀରେ ଗାଧୋଇବା ବେଳେ ପାଣିରେ ବୁଡି ପ୍ରାଣ ହରାଇଛନ୍ତି ଚନ୍ଦନ । ତାଙ୍କ ହସ ଖୁସିର ପରିବାରରେ ଏବେ ଦୁଃଖର କଳା ବାଦଲ ଛାଇ ଯାଇଛି ।
