ନୂଆଦଲ୍ଲୀ : ପାକିସ୍ତାନରେ ଟ୍ରେନ ହାଇଜ୍ୟାକ ମାମଲାରେ ପାକିସ୍ତାନୀ ସେନା ବଡ଼ ସଫଳତା ମିଳିଛି । ବାଲୁଚ ବିଛିନ୍ନତାବାଦୀଙ୍କ କବଳରୁ ମୁକୁଳିଲେ ୧୫୫ ପଣବନ୍ଦୀ । ମୁକୁଳିଥିବା ପଣବନ୍ଦୀଙ୍କ ଭିତରେ ଅଛନ୍ତି ଅନେକ ମହିଳା ଓ ଶିଶୁ । ଏବେବି ପାଖାପାଖି ୧୦୦ ଯାତ୍ରୀଙ୍କ ମୁଣ୍ଡ ଜାମିନ୍ ରଖିଛି ବାଲୁଚ ଲିବରେସନ ଆର୍ମି । ବେଲୁଚିସ୍ତାନର କ୍ବେଟାରୁ ପେଶାୱାର ଯାଉଥିଲା ଜାଫର ଏକ୍ସପ୍ରେସ । ୯ଟି ବଗିରେ ଥିଲେ ୪୦୦ରୁ ଅଧିକ ଯାତ୍ରୀ । ଟ୍ରେନ ଉପରେ ଗୁଳିମାଡ଼ କରି ନିଜ କବଜାକୁ ନେଇଥିଲା ବିଏଲଏ । ମୁକୁଳିଥିବା ପଣବନ୍ଦୀଙ୍କ ଭିତରେ ଅଛନ୍ତି ଅନେକ ମହିଳା ଓ ଶିଶୁ । ଏଥିରେ ୧୧ ଜଣ ଶିଶୁ ରହିଛନ୍ତି । ପାକିସ୍ତାନରେ ପାସେଞ୍ଜର ଟ୍ରେନକୁ ହାଇଜ୍ୟାକ କରି ଯାତ୍ରୀଙ୍କୁ ମୁଣ୍ଡ ଜାମିନ ରଖିଛି ବାଲୁଚ ଲିବରେସନ ଆର୍ମୀ । ବେଲୁଚିସ୍ତାନ ପ୍ରଦେଶରେ ୪୦୦ରୁ ଅଧିକ ଯାତ୍ରୀଙ୍କୁ ନେଇ ଯାତ୍ରା କରୁଥିବା ଟ୍ରେନକୁ ଗତକାଲି ଅପହରଣ କରି ନେଇଥିଲେ ବିଚ୍ଛିନ୍ନତାବାଦୀ । ପାକିସ୍ତାନ ସେନା ପହଞ୍ଚି କାଉଣ୍ଟର ଅପରେସନ ଆରମ୍ଭ କରିଥିଲା । ରାତି ତମାମ ଚାଲିଥିଲା ଲଢ଼େଇ । ସମସ୍ତ ବନ୍ଧକକୁ ଉଦ୍ଧାର କରିବା ପାଇଁ ପାକିସ୍ତାନ ଉଭୟ ଆକାଶ ଓ ସ୍ଥଳଭାଗରୁ ଅପରେସନ ଆରମ୍ଭ କରିଛନ୍ତି ।
