ନୂଆଦିଲ୍ଲୀ : ପହଲଗାଓଁ ଆତଙ୍କବାଦୀ ଆକ୍ରମଣ ନେଇ ତଦନ୍ତକାରୀ ସଂସ୍ଥା ଏନଆଇଏ ବଡ଼ ଖୁଲାସା କରିଛି । ହମଲାକାରୀଙ୍କୁ ୧୦ ଜଣ ସ୍ଥାନୀୟ ବାସିନ୍ଦା ସାହାଯ୍ୟ କରିଛନ୍ତି ବୋଲି ଏନଆଇଏ ତଦନ୍ତବେଳେ ଜାଣିବାକୁ ପାଇଛି । ୨୨ ତାରିଖ ହମଲା ଦିନ ଏମାନେ ରିଅଲ ଟାଇମରେ ହମଲାକାରୀଙ୍କ ସହ ଯୋଗାଯୋଗରେ ଥିଲେ । ଏମାନେ ସାଂକେତିକ ଆପ ବ୍ୟବହାର କରି ବାର୍ତ୍ତା ବିନିମୟ କରିଥିବା ଏନଆଇଏ ଜାଣିପାରିଛି । ଏମାନଙ୍କୁ କାଶ୍ମୀର ଓଭରଗ୍ରାଉଣ୍ଡ ୱାର୍କର-ଓଜିଡବ୍ଲ୍ୟୁ ବୋଲି କୁହାଯାଉଛି । ଏହି ୧୦ ଜଣ ସିଧାସଳଖ ଆତଙ୍କବାଦୀଙ୍କ ସହ ଯୋଗଯୋଗରେ ଥିଲେ । ଏମାନଙ୍କ ସହଯୋଗରେ ଆତଙ୍କବାଦୀମାନେ ସମସ୍ତ ତଥ୍ୟ ପାଉଥିଲେ ବୋଲି ସୂଚନା ଦେଇଛି ଏନଆଇଏ । ସୂଚନା ଅନୁଯାୟୀ, ପହଲଗାମ ଆତଙ୍କବାଦୀ ଆକ୍ରମଣରେ ୨୬ ମୃତ୍ୟୁ ହୋଇଥିଲା । ଏଥିରେ ଜଣେ ନେପାଳୀ ବାସିନ୍ଦା ଥିଲେ । ୨୩ ତାରିଖରୁ ଏନଆଇଏ ସେଠାରେ ତଦନ୍ତ କରୁଛି ।
