ପଞ୍ଜାବ : ବିଷାକ୍ତ ମଦ ପିଇ ଚାଲିଗଲା ୧୪ ଜଣଙ୍କର ଜୀବନ । ଆଉ ୬ ଜଣ ଗୁରୁତର ହୋଇଛନ୍ତି । ଅମୃତସର ଜିଲ୍ଲା ମଜିଥା ବ୍ଲକରେ ବିଷାକ୍ତ ମଦ ନେଲା ଜୀବନ । ମୁଖ୍ୟ ଅଭିଯୁକ୍ତ ସହ ୫ ଜଣଙ୍କୁ ଗିରଫ କଲା ପୋଲିସ । ପୋଲିସ ମୁତାବକ, ସୋମବାର ରାତିରେ ଅମୃତସର ଜିଲ୍ଲା ମଜୀଠା ଓ ମଡଇ ଗାଁ ଓ ଭାଗଲି ଗାଁରେ ବିଷାକ୍ତ ମଦ ପିଇବା କାରଣରୁ ୧୪ ଜଣଙ୍କର ମୃତ୍ୟୁ ହୋଇଛି । ମୃତଦେହକୁ ପୋଲିସ ଜବତ କରି ପୋଷ୍ଟମର୍ଟମ୍ ପାଇଁ ପଠାଇଛି । ଆଗକୁ ମୃତ୍ୟୁସଂଖ୍ୟା ବଢିପାରେ ବୋଲି ଆଶଙ୍କା କରଯାଉଛି । ତେବେ ସୋମବାର ରାତିରେ ପୋଲିସ ବିଷାକ୍ତ ମଦ ବିଷୟରେ ଖବର ପାଇ ଯାଞ୍ଚ ପାଇଁ ଯାଇଥିଲା । ରବିବାର ସନ୍ଧ୍ୟାରେ ଗୋଟିଏ ସ୍ଥାନରୁ ଏହି ମଦ କିଣାଯାଇଥିଲା । କିଛି ଲୋକଙ୍କ ଜୀବନ ସୋମବାର ସକାଳେ ଚାଲିଯାଇଥିଲା ବୋଲି ସୂଚନା ମିଳିଥିଲା ।
