ସୋର : ସ୍ତ୍ରୀକୁ ପିଟି ପିଟି ମାରିଦେଲା ସ୍ୱାମୀ । ଔପଦା ଥାନା ପାଇକପଡା ଗାଁରେ ଅଭାବନୀୟ ଘଟଣା । ପାରିବାରିକ କଳହକୁ ନେଇ ସ୍ତ୍ରୀକୁ ହତ୍ୟା କରିଥିବା ସୂଚନା । ସ୍ୱାମୀ ରାମଚନ୍ଦ୍ର ସିଂ ଘରୋଇ କଳିକୁ ନେଇ ସ୍ତ୍ରୀ ଶର୍ମିଳା ସିଂ (୩୦) ଙ୍କୁ କୁରାଢ଼ୀ ବେଣ୍ଟରେ ପିଟି ହତ୍ୟା କରିଥିବା ଜଣାଯାଇଛି। ସ୍ୱାମୀ ରାମଚନ୍ଦ୍ର ଡ୍ରାଇଭର ଥିବାବେଳେ ଗାଡି ଚଲାଇ ଅପରାହ୍ନ ୫ଟା ରେ ଘରକୁ ଫେରିଥିଲେ। କୌଣସି କାରଣରୁ ସ୍ତ୍ରୀ ସହିତ କଳି ଲାଗିବାରୁ ରାମଚନ୍ଦ୍ର ରାଗିଯାଇ ଏକ ସାବୁଳରେ ଆକ୍ରମଣ କରୁଥିବା ସମୟରେ ତାଙ୍କର ୨ପୁଅ ବାପା ପାଖରୁ ସାବଳ ନେଇ ଯାଇଥିଲେ। ପରେ ୨ପୁଅଙ୍କୁ ଛେଳି ଆଣିବାକୁ ବାପା ପଠାଇଦେଇଥିବା ବେଳେ ଏହି ସୁଯୋଗରେ ସ୍ୱାମୀ ରାମଚନ୍ଦ୍ର ବେଣ୍ଟରୁ କୁରାଢ଼ି କାଢି ଖାଲି ବେଣ୍ଟରେ ସ୍ତ୍ରୀର ମଥାକୁ ପିଟିବାରୁ ଘଟଣା ସ୍ଥଳରେ ମୃତ୍ୟୁ ଘଟିଥିଲା। ମୃତଦେହକୁ ଜବତ କଲା ପୋଲିସ , ଅଭିଯୁକ୍ତ ସ୍ୱାମୀ ଅଟକ ।
