ବଲାଙ୍ଗୀର : ବଡଭାଇର ମାଡ଼ରେ ସାନଭାଇର ମୃତ୍ୟୁ । ନିଶାଶକ୍ତ ଅବସ୍ଥାରେ ଦୁଇ ଭାଇଙ୍କ ମାଡ଼ପିଟରୁ ସାନ ଭାଇର ମୃତ୍ୟୁ ହୋଇଛି । ଏପରି ଘଟଣା ଘଟିଛି ବଲାଙ୍ଗୀର ଜିଲ୍ଲା ରବିଦାସ ନଗରରେ। ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।
ସୂଚନା ଅନୁଯାୟୀ , ସାମାନ୍ୟ ଘଟଣାକୁ ନେଇ ଉଭୟ ଭାଇଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ନିଶାସକ୍ତ ଅବସ୍ଥାରେ ପାଟିତୁଣ୍ଡ କରିବାରୁ ଉତ୍କ୍ଷିପ୍ତ ହୋଇ ସାନଭାଇର ତଣ୍ଟି ଚିପି ମାରିଦେଲା ବଡଭାଇ । ମୃତକ ହେଲେ ଯୋଶେଫ୍ ରୋହିଦାସ । ସେପଟେ ହତ୍ୟାକାଣ୍ଡ ସଂପର୍କରେ ଖବର ପାଇ ଟାଉନ୍ ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି । ତେବେ ଅଭିଯୁକ୍ତ ବଡ଼ଭାଇକୁ ଥାନାରେ ଅଟକ ରଖିଛି ପୋଲିସ ।
