ମହାରାଷ୍ଟ୍ର : ମୋ ପ୍ରେମିକ ମୋ ଉପରେ କାର ଚଢାଇ ଦେଲା । ଆଉ ମୋତେ ରାସ୍ତା ଉପରେ ମାରିବାକୁ ଛାଡିଦେଲା । ମୋ ପ୍ରେମିକ ଥିଲା ବିବାହିତ । ଏହା ଜାଣିବା ପରେ ବି ମୁଁ ସମ୍ପର୍କ ଭାଙ୍ଗି ନ ଥିଲି । ଦୀର୍ଘ ୪ ବର୍ଷର ଥିଲା ଆମ ପ୍ରେମ । ଏ ହେଉଛି ପ୍ରେମିକାର ବଡ ଅଭିଯୋଗ । ୨୬ ବର୍ଷୀୟା ବ୍ୟୁଟିସିଆନ ପ୍ରିୟା ଉମେନ୍ଦ୍ର ସିଂହ ନିଜ ପ୍ରେମିକ ବିରୋଧରେ ଆଣିଛନ୍ତି ଏଭଳି ସାଂଘାତିକ ଅଭିଯୋଗ । ମୁମ୍ବାଇର ଥାନେ ଅଞ୍ଚଳରେ ଘଙ୍କିଛି ଏଭଳି ଘଟଣା । ତେବେ ପୁରା ଘଟଣା ସମ୍ପର୍କରେ ଆସନ୍ତୁ ଜାଣିବା । ପ୍ରିୟା ଏବଂ ପ୍ରେମିକ ଅଶ୍ୱଜିତଙ୍କ ମଧ୍ୟରେ ଗତ ୪ ବର୍ଷ ହେଲାଣି ପ୍ରେମ ସଂପର୍କ ରହିଛି । ଅଶ୍ୱଜିତ ବିବାହିତ ବୋଲି ଗତ କିଛିଦିନ ତଳେ ପ୍ରିୟା ଜାଣିବାକୁ ପାଇଥିଲେ । ତଥାପି ତାଙ୍କ ସହିତ ସେ ସଂପର୍କ ଭାଙ୍ଗିନଥିଲେ । ଗତ ୧୧ ତାରିଖ ଦିନ ପ୍ରିୟା ଅଶ୍ୱଜିତଙ୍କୁ ଦେଖାକରିବା ପାଇଁ ମୁମ୍ବାଇର ଥାନେ ଅଞ୍ଚଳରେ ଏକ ହୋଟେଲକୁ ଯାଇଥିଲେ । ସେଠାରେ ସେ ଅଶ୍ୱଜିତ ଏବଂ ତାଙ୍କ ପତ୍ନୀଙ୍କୁ ଦେଖିଥିଲେ । ଏହାପରେ ପ୍ରିୟା ଏବଂ ଅଶ୍ୱଜିତଙ୍କ ମଧ୍ୟରେ ଝଗଡା ହୋଇଥିଲା । ସେଠାରେ ଥିବା ଅଶ୍ୱିଜିତଙ୍କ ସାଙ୍ଗ ପ୍ରିୟାକୁ ମାଡ ମାରିଥିଲେ । ପରେ ନିଜ ଏସୟୁଭି ଚଢ଼ାଇ ଜୀବନରୁ ମାରି ଦେବାକୁ ଚେଷ୍ଟା କରିଥିଲେ ବୋଲି ପ୍ରିୟା ଅଭିଯୋଗ କରିଛନ୍ତି ।ଏହି ଘଟଣାରେ ପ୍ରିୟା ଗୁରୁତର ଆହତ ହୋଇଛନ୍ତି । ପ୍ରିୟା ଏବେ ହସପିଟାଲରେ ଚିକିତ୍ସାଧୀନ ଅଛନ୍ତି । ତାଙ୍କ ଗୋଡ଼ର ହାଡ ଭାଙ୍ଗିଯାଇଛି ।ଅଶ୍ବଜିତ ହେଉଛନ୍ତି ମହାରାଷ୍ଟ୍ରର ଜଣେ ବରିଷ୍ଠ ପ୍ରଶାସକଙ୍କ ପୁଅ । ସେ ତାଙ୍କ ସୋସିଆଲ ମିଡିଆ ପୋଷ୍ଟରେ ଘଟଣା ସମ୍ପର୍କରେ ବିସ୍ତୃତ ଭାବେ ଲେଖିଛନ୍ତି । ପ୍ରିୟାଙ୍କ ଅଭିଯୋଗ ଉପରେ କାସରଡ଼ବଲି ପୋଲିସ୍ ତଦନ୍ତ କରୁଛି ।
ତେବେ ଅଶ୍ୱଜିତ ଜଣେ ପ୍ରଶାସନିକ ପୁଅ ହୋଇଥିବାରୁ ପୋଲିସ ତାଙ୍କ ନାମରେ କେସ୍ ଦାୟର କରିନଥିଲା । ଏହାପରେ ପ୍ରିୟା ସୋସିଆଲ ମିଡିଆରେ ଏକ ପୋଷ୍ଟ କରି ସଂପୂର୍ଣ୍ଣ ଘଟଣା ବିଷୟରେ ସେୟାର କରିଥିଲେ । ପୋଷ୍ଟ ଭାଇରଲ ହେବା ପରେ କେସ୍ ଦାୟର କରିଥିଲା ପୋଲିସ । ମାମଲା ରୁଜୁ ହେବା ପରେ ପୋଲସ ଏହି ଘଟଣାର ଛାନଭିନ୍ କରୁଛି । ସମସ୍ତ ୩ ଜଣ ଅଭିଯୁକ୍ତଙ୍କ ନାମରେ କେସ୍ କରାଯାଇଛି । ଏବେ ପ୍ରିୟା ହସ୍ପିଟାଲରେ ଚିକିତ୍ସାଧୀନ ରହିଛନ୍ତି ।
