ନଦୀ ସ୍ରୋତରେ ଭାସିଗଲେ ୭୩ ମଇଁଷି

କେନ୍ଦ୍ରାପଡା : ଏକାବେଳେ ବୁଡ଼ି ମରିଗଲେ ୭୩ମଇଁଷି । କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକ ଏକମାଣିଆ ଗାଁରେ ଅଭାବନୀୟ ଘଟଣା । ଦିନ ୧୧ଟା ବେଳେ ମଇଁଷି ଚରାଇବା ପାଇଁ ଗଳିଆ ନଦୀ ପାର୍ ହେଉଥିବା ବେଳେ ଅଘଟଣ ଘଟିଛି । ଗାଁର ୪ଟି ପରିବାରର ପ୍ରାୟ ୭୩ଟି ମଇଁଷି ପାଣିରେ ବୁଡ଼ି ମରିଯାଇଛନ୍ତି । ନଦୀ ପାର ବେଳେ ନଦୀରେ ସ୍ରୋତ ଅଧିକ ହେବାରୁ ମଇଁଷି ପହଁରି ନପାରି ବୁଡ଼ିଯାଇଥିଲେ । ଏତେ ସଂଖ୍ୟକ ମଇଁଷିଙ୍କ ମୃତ୍ୟୁ ହୋଇଥିବାରୁ ଭାଙ୍ଗି ପଡ଼ିଛନ୍ତି ୪ ଟି ପରିବାର । ତେଣୁ ସେମାନଙ୍କୁ ତୁରନ୍ତ ସରକାରୀ ସହାୟତା ଯୋଗାଇଦେବାକୁ ଦାବି ହୋଇଛି ।