ଜଗତସିଂହପୁର : ଦଶାହ କାର୍ଯ୍ୟ କରିବାକୁ ଯାଇ ଦୁଇ ମୃତ । ଏପରି ଘଟଣା ଦେଖିବାକୁ ମିଳିଛି ଜଗତସିଂହପୁର ଜିଲ୍ଲା ଅଧିନସ୍ତ ବିରିଡି ଥାନା ଅଞ୍ଚଳର ବାରେଡ଼ିଆ ଗ୍ରାମରେ । ସୂଚନା ଅନୁଯାଇ ସେହି ବାରେଡ଼ିଆ ଗ୍ରାମର ସତ୍ୟନାରାୟଣ ପାଲଙ୍କ ଦଶାହ କର୍ମରେ ବାରେଡ଼ିଆ ନଦୀ ପୋଲ ନିକଟକୁ ଗାଧେଇବାକୁ ଯାଇଥିବା ସମୟରେ ତିନି ଯୁବକଙ୍କ ପାଦ ଖସି ଯାଇ ଭାସି ଯାଇଥିଲେ । ଏହାର ସୂଚନା ପାଇଁ ଘଟଣା ସ୍ଥଳରେ ବିରିଡି ଅଗ୍ନିଶମ ବାହିନୀ ପହଂଚି ସ୍ଥାନୀୟ ଲୋକଙ୍କ ସାହାଯ୍ୟରେ ତିନି ଜଣକୁ ଉଦ୍ଧାର କରାଯାଇ ଥିଲେ ମଧ୍ୟ ଟିକିନା ପାଲଙ୍କ ପୁଅ ଜଗନ ପାଲଙ୍କ ସ୍ୱାସ୍ଥ୍ୟ ଅବସ୍ଥା ସଂକଟାପନ୍ନ ଥିବା ବେଳେ ଅନ୍ୟ ଦୁଇ ଜଣ ପ୍ରସନ ପାଲଙ୍କ ପୁଅ ସୋଦେଶ ପାଲ ଓ ଗୌରାଙ୍ଗ ପାଲଙ୍କ ପୁଅ ରିଙ୍କୁ ପାଲଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ଥିବା ବେଳେ ତାଙ୍କୁ ଅଡ଼ସପୁରର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନିଆ ଯାଇଥିଲା କିନ୍ତୁ ଡାକ୍ତର ସେଠାରେ ଦୁଇ ଜଣକୁ ମୃତ୍ୟୁ ଘୋଷଣା କରିଥିଵା ନେଇ ସୂଚନା ମିଳିଛି । ଅନ୍ୟପଟେ ଏହି ଖବର ପାଇବା ପରେ ଅଞ୍ଚଳରେ ଗୋଟେ ଶୋକାକୁଳ ପରିବେଶ ଖେଳି ଯାଇଛି ।
