ନୂଆଦିଲ୍ଲୀ : ଦକ୍ଷିଣ ମେକ୍ସିକୋରେ ବିମାନ ଦୁର୍ଘଟଣା । ମେକ୍ସିକୋର କୃଷି ମନ୍ତ୍ରଣାଳୟ ଏକ ବିବୃତ୍ତିରେ କହିଛି ଯେ ଗୁଆଟେମାଲା ବିମାନଟି ଦକ୍ଷିଣ ମେକ୍ସିକୋର ତାପାଚୁଲା ନିକଟରେ ଦୁର୍ଘଟଣାଗ୍ରସ୍ତ ହୋଇଛି । ଯେଉଁଥିରେ ଦୁଇଜଣ ଗୁଆଟେମାଲା ପାଇଲଟ ଏବଂ ଜଣେ ମେକ୍ସିକୋ କୃଷି ବୈଜ୍ଞାନିକଙ୍କ ମୃତ୍ୟୁ ହୋଇଛି । ବିମାନବନ୍ଦର ଅଧିକାରୀଙ୍କ ଅନୁଯାୟୀ, ଲାର୍ଭା ଆକ୍ରମଣର ମୁକାବିଲା ପାଇଁ ଏକ ଯୋଜନା ଉପରେ କାମ କରାଯାଉଥିଲା । ଏହି ଛୋଟ ବିମାନକୁ ଏଥିପାଇଁ ବ୍ୟବହାର କରାଯାଉଥିଲା । ଅଧିକାରୀମାନେ କହିଛନ୍ତି ଯେ ସ୍କ୍ରୁୱାର୍ମ ମହୁମାଛିଙ୍କୁ ଛାଡିବା ସମୟରେ ବିମାନଟି ହଠାତ୍ ଭାରସାମ୍ୟ ହରାଇ ତଳକୁ ଖସିପଡ଼ିଲା । ମେକ୍ସିକୋ ଏବଂ ଆମେରିକା ସ୍କ୍ରୁୱାର୍ମ ମହୁମାଛି ଆକ୍ରମଣକୁ ରୋକିବା ପାଇଁ ଏକାଠି କାମ କରୁଛନ୍ତି ।
