ଭୁବନେଶ୍ୱର : ପ୍ରଚଣ୍ଡ ତାତି , ଅସହ୍ୟ ଗୁଳୁଗୁଳି । ସକାଳ ହେଉ ହେଉ ଖରାର ତାତି । ଘରୁ ବାହାରିବା ହେଉନାହିଁ ସମ୍ଭବ । ଆଉ ଏପଟେ ପାଣିପାଗ ବିଭାଗର ସୂଚନା । ୧୫ରୁ ଆହୁରି ଅସହ୍ୟ ହେବ ତାତି। ୧୮ ତାରିଖ ପର୍ୟ୍ୟନ୍ତ ତାତିରୁ ନିସ୍ତାର ମିଳିବନି ବୋଲି କହିଛି ପଣିପାଗ ବିଭାଗ। ଆଗାମୀ ୪ ଦିନ ପର୍ୟ୍ୟନ୍ତ ଆଭ୍ୟନ୍ତରୀଣ ଓଡ଼ିଶାରେ ଅସ୍ୱାଭାବିକ ଗରମ ଲାଗି ରହିବ । ଗତକାଲି ୪୦ ଡିଗ୍ରୀ ଉପରେ ୧୬ଟି ସହରର ତାପମାତ୍ରା ରେକର୍ଡ କରାଯାଇଥିଲା। ରାଜ୍ୟବ୍ୟାପୀ ଅସହ୍ୟ ଖରାର ପ୍ରକୋପ ଜାରି ରହିଛି । ବୌଦ୍ଧ ଓ ଝାରସୁଗୁଡ଼ାରେ ସର୍ବୋଚ୍ଚ ତାପମାତ୍ରା ୪୩.୪ ଡିଗ୍ରୀ ସେଲସିୟସ ରେକର୍ଡ ହୋଇଥିଲା। ଟାଣ ଖରା ସାଙ୍ଗକୁ ଅସହ୍ୟ ଗୁଳୁଗୁଳିରେ ସନ୍ତୁଳି ହେଉଛନ୍ତି ଲୋକେ।
