ଭୁବନେଶ୍ୱର : ଡିଜେ ଆଜେକ୍ସ ଓରଫ ଅକ୍ଷୟ କୁମାରଙ୍କ ସନ୍ଦେହଜନକ ମୃତ୍ୟୁ । ଖାରବେଳ ନଗର ଘରେ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର । ଘର ଭିତରୁ ମୃତଦେହ ଉଦ୍ଧାର ନେଇ ସୂଚନା ଦେଲେ ଦାଦା । କିନ୍ତୁ ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି । ମୃତ୍ୟୁ ପଛରେ ଜଣେ ଯୁବକ ଓ ଯୁବତୀଙ୍କୁ ଦାୟୀ କଲେ ।
ସେପଟେ ଏକ କାର୍ଯ୍ୟକ୍ରମରେ ଯୋଗ ଦେବା ପୂର୍ବରୁ ଆତ୍ମହତ୍ୟା କରିଥିବା କୁହାଯାଉଛି। ଗତକାଲି ସନ୍ଧ୍ୟାରେ ନିଜ ରୁମ୍ରେ ବେଡ଼ସିଟରେ ଝୁଲି ପଡିଥିଲେ। କବାଟ ଭାଙ୍ଗି ଉଦ୍ଧାର କରିବା ପରେ ପରିବାର ଲୋକ ଏକ ଘରୋଇ ହସ୍ପିଟାଲ ନେଇଥିଲେ। ସେଠାରେ ଡାକ୍ତର ମୃତ ଘୋଷଣା କରିଥିଲେ। ତେବେ ଏହି ଘଟଣା ପରେ ମୃତଦେହକୁ ଶବ ବ୍ୟବଛେଦ ପାଇଁ କ୍ୟାପିଟାଲ ହସ୍ପିଟାଲକୁ ପଠାଇ ପୁଲିସ ତଦନ୍ତ କରୁଛି।
ଜଣେ ଲୋକପ୍ରିୟ କଳାକାରଙ୍କ ମୃତ୍ୟୁକୁ ନେଇ ସନ୍ଦେହ ପ୍ରକାଶ ପାଇଛି। ଯାହାକୁ ନେଇ ପୁଲିସ ଘଟଣା ତଦନ୍ତକୁ ଆଗକୁ ବଢାଇଛି। ଡିଜେ ଆଜେକ୍ସଙ୍କ ମୋବାଇଲ ଫୋନକୁ ମଧ୍ୟ ପୁଲିସ ଜବତ କରିଛି। ତେବେ ପରିବାର ଲୋକଙ୍କ କହିବା କଥା କାଲି ସନ୍ଧ୍ୟା ୭ଟା ସମୟରେ ପରିବାର ଲୋକଙ୍କ ସହ କଥା ହୋଇ ନିଜ ରୁମ୍କୁ ଶୋଇବାକୁ ଯାଇଥିଲେ। ପରେ ପରିବାର ଲୋକ ତାଙ୍କ କବାଟ ବାଡେଇ ଡାକିବାରୁ ସେ ଶୁଣିନଥିଲେ। ଏହାପରେ ପରିବାର ଲୋକ କବାଟ ଭାଙ୍ଗି ଦେଖିଥିଲେ କି ଡିଜେ ଆଜେକ୍ସ ଏକ ବେଡସିଟ୍ରେ ଝୁଲି ପଡିଛନ୍ତି। ଏହାପରେ ପରିବାର ଲୋକ ତାଙ୍କ ଏକ ଘରୋଇ ମେଡିକାଲ ନେଇଥିଲେ। ସେଠାରେ ଡାକ୍ତର ମୃତ୍ୟୁ ଘୋଷଣା କରିଥିଲେ।
