ଅନୁଗୁଳ : ମହିଳା ହୋମଗାର୍ଡଙ୍କୁ ଡିଆଇଜିଙ୍କ ପତ୍ନୀ ନିର୍ଯାତନା ଦେବା ଅଭିଯୋଗ ଘଟଣା । ଆତ୍ମହତ୍ୟା ଉଦ୍ୟମ କଲେ ଅନୁଗୁଳରେ କାର୍ୟ୍ୟରତ ଜଣେ ମହିଳା ହୋମଗାର୍ଡ । ଟ୍ରେନ ଆଗରେ ଜୀବନ ହାରିବାକୁ ଉଦ୍ୟମ କରିଥିବା ଅଭିଯୋଗ ହୋଇଛି । ଏଥିରେ ମହିଳା ହୋମଗାର୍ଡ ଦୁଇ ଗୋଡ଼ ହରାଇଛନ୍ତି । ଗୁରୁତର ଅବସ୍ଥାରେ ତାଙ୍କୁ କଟକର ଏକ ଘରୋଇ ହସ୍ପିଟାଲରେ ଭର୍ତ୍ତା କରାଯାଇଛି । ଦୁଇ ଗୋଡ଼ ହରାଇଥିବା ମହିଳା ହୋମଗାର୍ଡ ହେଲେ ଅନୁଗୁଳ ଜିଲ୍ଲା ରାଣୀଗୋଡାର ସୈରିଦ୍ରୀ ସାହୁ । ଅଗଷ୍ଟ ୪ ତାରିଖରେ ଏହି ଘଟଣା ଘଟିଥିଲା । ପୋଲିସ ତଦନ୍ତ ଚଳାଇଛି । ଏ ସମ୍ପର୍କରେ ଗତ ୧୩ ତାରିଖରେ ହୋମଗାର୍ଡ ଡିଜିଙ୍କୁ ଲିଖିତ ଭାବେ ଜଣାଇଛନ୍ତି ମହିଳା ହୋମଗାର୍ଡ ।
ଅନ୍ୟପଟେ ନିର୍ଯାତନା ଦେବା ଘଟଣାକୁ ଖଣ୍ଡନ କଲେ ଡିଆଇଜି ବ୍ରିଜେଶ ରାଏ । କୈାଣସି ନିର୍ଯାତନା ତାଙ୍କୁ ଦିଆଯାଇ ନ ଥିବା କହିଲେ ଡିଆଇଜି । ଆମେ ସମସ୍ତେ କଲିଗ, ସରକାରଙ୍କ ପାଇଁ କାମ କରୁଛୁ । ମହିଳା ହୋମଗାର୍ଡ ଜଣଙ୍କୁ କେହି ପ୍ରବର୍ତ୍ତାଇ ଥିବେ । ତାଙ୍କର ପାରିବାରିକ ସମସ୍ୟା ଥିଲା , ଅନ୍ୟମନସ୍କ ରହୁଥିଲେ । ତାଙ୍କୁ ଅନ୍ୟତ୍ର କାମ କରିବା ପାଇଁ କୁହାଯାଇଥିଲା । ଅନୁଗୁଳର ମହିଳା ହୋମଗାର୍ଡ ସୈରିନ୍ଦ୍ରୀ ସାହୁ ନିର୍ଯାତନା ଅଭିଯୋଗ ଆଣିଛନ୍ତି । ଡିଆଇଜିଙ୍କ ପତ୍ନୀ ତାଙ୍କୁ ମାଡ ମାରୁଥିବା ଉଲ୍ଲେଖ କରିଛନ୍ତି ସୈରିନ୍ଦ୍ରୀ । ଅତିଷ୍ଠ ହୋଇ ଆତ୍ମହତ୍ୟା ନିଷ୍ପତ୍ତି ନେଇଥିବା ଅଭିଯୋଗ କରିଛନ୍ତି । ଆତ୍ମହତ୍ୟା ଉଦ୍ୟମ କରି ଦୁଇ ଗୋଡ ହରାଇଛନ୍ତି ସୈରିନ୍ଦ୍ରୀ ।
