ସମ୍ବଲପୁର : ଘର ଭିତରେ ମା’ ସହ ଦୁଇ ଛୁଆଙ୍କୁ ହତ୍ୟା ଘଟଣା । ଖୁବଶୀଘ୍ର ଅଭିଯୁକ୍ତଙ୍କ ପାଖରେ ପୋଲିସ ପହଂଚିବ ବୋଲି କହିଲେ ଏସପି । ୨୪ ରୁ ୪୮ ଘଣ୍ଟା ମଧ୍ୟରେ ହତ୍ୟାକାଣ୍ଡର ସ୍ପଷ୍ଟତା ଆସିବ । ପ୍ରମାଣ ଖୋଜା ଚାଲିିଛି , ୨ଟି ଟିମ୍ ରାଜ୍ୟ ବାହାରକୁ ଯାଇଛି । ଯେଉଁମାନେ ସେଛାରେ ରହୁଥିଲେ ହତ୍ୟାରେ ସେମାନଙ୍କ ସମ୍ପୃକ୍ତି ରହୁଛି ।
ବନ୍ଦ କୋଠରୀ ଭିତରୁ ହତ୍ୟାରେ ବ୍ୟବହୃତ କପଡ଼ା, ମାରଣାସ୍ତ୍ର ସହ ରକ୍ତ ଜୁଡୁବୁଡୁ ପ୍ୟାଣ୍ଟ ଜବତ କରାଯାଇଥିଲା। କିଛି ଦିନ ତଳେ ସାଜିଆଙ୍କ ସହ ସଲମାନ ଅହମ୍ମଦର ପାଟିତୁଣ୍ଡ ହୋଇଥିଲା। ପ୍ରାଥମିକ ତଦନ୍ତରୁ ଏହା ଯୋଜନାବଦ୍ଧ ହତ୍ୟାକାଣ୍ଡ ବୋଲି ଜଣାପଡିଛି। ପୋଷ୍ଟମୋର୍ଟମ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ବୋଲି ପୋଲିସ କହିଛି।
