ନୂଆଦିଲ୍ଲୀ : ଆମେରିକାର ଟେକ୍ସାସ୍ ଓ ମିସିସିପିରେ ଭୟଙ୍କର ଝଡ଼ ସୃଷ୍ଟି ହୋଇଛି । ଶନିବାର ଗୋଟିଏ ପରେ ଗୋଟିଏ ଝଡ଼ରେ ଅନେକ ଗାଡ଼ି ଏବଂ ଘରର ଛାତ ଉଡ଼ିଯାଇଛି । ବହୁ ସଂଖ୍ୟକ ଗଛ ଓ ପୋଲ ଏଥିରେ କ୍ଷତିଗ୍ରସ୍ତ ହୋଇଛି । ଏହି ଘୂର୍ଣ୍ଣିଝଡ଼ରେ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୬ ଜଣ ଆହତ ହୋଇଛନ୍ତି । ଝଡ଼ର ପ୍ରକୋପ ଏତେ ଅଧିକ ଥିଲା ଯେ ଅନେକ ଘରର ଛାତ ପବନରେ ଉଡ଼ିଯାଇଥିଲା । ବାହାରେ ପାର୍କିଂ ହୋଇଥିବା ଅନେକ ଗାଡ଼ିମୋଟର ମଧ୍ୟ ଓଲଟି ପଡ଼ିଥିଲା । ହ୍ୟୁଷ୍ଟନର ଦକ୍ଷିଣରେ ଥିବା ଲିଭରପୁଲ୍ ଅଞ୍ଚଳରେ ଜଣଙ୍କ ମୃତ୍ୟୁ ଘଟିଥିବା ବେଳେ ୪ ଜଣ ଗମ୍ଭୀର ରୂପେ ଆହତ ହୋଇଛନ୍ତି । ଲିଭରପୁଲ୍ ଏବଂ ହିଲକ୍ରେଷ୍ଟ ଭିଲେଜ ତଥା ଆଲଭିନ୍ ମଧ୍ୟରେ କାଉଣ୍ଟିର ଅନେକ ସ୍ଥାନ ଝଡ଼ ଦ୍ୱାରା ପ୍ରଭାବିତ ହୋଇଛି । ସେ କହିଛନ୍ତି ଯେ ଏ ପର୍ୟ୍ୟନ୍ତ ଅଧିକାରୀମାନେ ପାଖାପାଖି ୧୦ଟି କ୍ଷତିଗ୍ରସ୍ତ ଘରକୁ ଚିହ୍ନଟ କରିଛନ୍ତି । ଆହୁରି କ୍ଷୟକ୍ଷତି ସମ୍ପର୍କରେ ତଥ୍ୟ ସଂଗ୍ରହ କରାଯାଉଛି । ବହୁ ସଂଖ୍ୟାରେ ଘର, ପ୍ରତିଷ୍ଠାନ ଏବଂ ଦୋକାନ ନଷ୍ଟ ହୋଇଥିବାର ଆଶଙ୍କା କରାଯାଉଛି ।
